LUKAS 16:8 - KITTA KAREBA MADECENG

⁸ Na iyaro ponggawana pegawé pakkatenning dowi dé'é namalempu napojini iyaro pegawéna nasaba pangkaukenna iya maccaéro; saba' sining tolinoéwé lebbi accai matoro'i urusanna mennang naiya sining tau iya tuwoé ri laleng tajangngé.”

LUKAS 16:8 ပူးပေါင်းရင်းမြစ်များ

KAJAJIYANG 3:1

Ulaé iyanaritu olokolo iya kaminang maccaé mabbellé polé ri sininna olokolo iya naébbué Puwang Allataala. Makkutanai iyaro ulaé lao ri makkunraiéro, “Tonget-tongengngiga Allataala mattéyakko manréi buwa-buwa polé ri sininna ajué ri tammengngéwé?”

2 SAMUEL 13:3

Amnon mappunnai séddi sellao iya macca senna'é, asenna Yonadab ana'na Siméa kakana Daud.

2 ARUNG-NGARUNG 10:19

Rimakkuwannanaro paddeppungengngi sininna nabi Baal sibawa passompana nenniya imang-ngimanna; muwi séddi tau aja'to mupassangadiwi. Maéloka makkasuwiyang akkarobangeng iya battowaé untu' Baal. Niga dé' nahadéré rihukkung matéi matu.” Iyakiya iyaro banna séuwa siyasa' polé ri Yéhu untu' mpunoi sininna passompa Baal-é.

MAZMUR 17:14

Leppessakka polé risining tau iya goppoé waramparang ri linoé. Hukkungngi mennang sibawa abala iya puraé Mupassadiyangengngi mennang. Leppessangngi ana' eppona rihukkung towi.

ASSURENG 1:10

Ebara'na kajajiyangngi musué, weddissa mennang siyempe balié untu' méwaki, nainappa lari salaiwi iyaé wanuwaé. Harusu'ki sappa laleng kuwammengngi aja' mennang nancaji pédé maéga.”

AMSAL 12:8

Ripojiwi tauwé situru sibawa apanrénna; ripakatunai tauwé situru sibawa adongokenna.

MATIUS 12:32

Rékko engka napowada tauwé méwai Ana'na Tolinoé, weddingngi riyaddampengeng, iyakiya rékko napakatunai Rohna Allataala, dé' nakkullé riyaddampengeng, muwi makkekkuwangngé iyaré'ga ri ahéra'.”

MATIUS 17:26

Nappébali Pétrus, “Tau laingngé.” Nakkeda Yésus, “Rékko makkuwaitu, dé'tu naparellu makkamaja ra'ya'é.

LUKAS 16:10

Tau iya weddingngé riyatepperi ri laleng gau'-gau' iya baiccu'é, wedding towi riyatepperi ri laleng gau'-gau' iya battowaé. Iyakiya tau iya dé'é nawedding riyatepperi ri laleng gau'-gau' iya baiccu'é, dé'to nawedding riyatepperi ri laleng gau'-gau' battowaé.

LUKAS 16:4

Engka akkalekku; rékko ripaléssoka, harusu'ka mappunnai maéga sellao iya maéloé pappérumaka ri bolana!’

LUKAS 16:7

Nainappa makkeda ri tau maduwaé, ‘Na iko saudara, siyaga inremmu?’ Nappébali iyaro tauwé, ‘Sisebbu karung gandong.’ Nakkeda iyaro pakkatenning dowié, ‘Iyaé sure' inremmu. Okini: aruwa ratuna.’

LUKAS 18:6

Nanakkeda Puwangngé, “Pénessaini aga napowada iyaro haking iya dé'é naadélé'!

LUKAS 20:34

Nappébali Yésus, “Sining tau iya tuwoé makkekkuwangngéwé bottingngi,

LUKAS 20:35

iyakiya sining tau maté iya sitinajaé ripaoto', sibawa tuwo ri wettu mangoloé, dé'na mennang nabotting.

YOHANES 12:36

Ateppe'no lao ri tajangngéro, ri wettu engkana mupa iyaro tajangngé ri iko, kuwammengngi namumancaji ana'-ana'na tajangngé.” Puranana Yésus makkeda makkuwaro, nasalaini onrongngéro sibawa dé' namaélo mappaitangngi aléna lao ri mennang.

1 KORINTUS 3:18

Aja' muwi séddi tau belléi aléna. Rékko engka tau ri yelle'mu masengngi aléna mapanré manuru' ukkuranna linoéwé, iyaro tauwé harusu'i madonggo, kuwammengngi natonget-tongeng mancaji mapanré.

EFESUS 5:8

Alému riyolo engka ri laleng pettangngé. Makkekkuwangngé mancajino umma'na Puwangngé, jaji engkano ri laleng tajangngé. Rimakkuwannanaro harusu'ko tuwo ri laleng tajangngé.

FILIPI 3:19

Atuwonna sining tau pada-padaéro maccappa'i matu sibawa ancurukeng, saba' déwatana iyanaritu cinna tubunna muto mennang. Gau'-gau' iya mappakasiri-sirié, mala iyanaro mennang nammingkikeng; saba' banna mennang mappikkiri'i gau'-gau' iya naéloriyé linoéwé bawang.

1 TESALONIKA 5:5

Sininna Saudara iyanaritu tau iya tuwoé ri laleng tajangngé; muttama'ko ri esso iya macakkaé. Tenniyaki tau iya tuwoé ri laleng pettangngé, iyaré'ga muttama'é ri wenni iya mapettangngé.

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.

1 YOHANES 3:10

Iyanaé assisalanna ana'-ana'na Allataala sibawa ana'-ana'na Ibillisi': nigi-nigi dé' napogau'i élona Allataala, iyaré'ga dé' namaséiwi saudarana, tenniyai ana'na Allataala.