LUKAS 16:3 - KITTA KAREBA MADECENG

³ Nappikkiri'na iyaro pakkatenning dowié, ‘Aga harusu' upogau' makkekkuwangngé? Maéloi Puwakku paléssoka. Nadé' uwulléi mabbéngkung, sibawa masirika maréllau-éllau.

LUKAS 16:3 ပူးပေါင်းရင်းမြစ်များ

ESTER 6:6

Muttama'nana Haman, makkedani arungngé lao ri Haman, “Engka tau iya maéloé uwéréng pappakaraja battowa. Agana upogau' matu untu' aléna?” Pikkiri'na Haman, “Nigasi iya maéloé riwéréng pappakaraja makkuwaro battowana ri arungngé? Pasti iyya!”

AMSAL 13:4

Tokuttué maéga cinnana iyakiya dé' muwi séddi iya naduppaé; tau iya majjama marejjingngé nalolongengngi sininna iya nacinnaiyé.

AMSAL 15:19

Tau makuttué tuli péneddingiwi asukkarakeng; tau malempué dé' nalolongeng asukkarakeng.

AMSAL 18:9

Tau iya mallupaiyéngngi jamanna padai jana sibawa tau iya pojiyéngngi makkasolang.

AMSAL 19:15

Makkuttu-kuttué mébbui tauwé memme matinro, na angkanna tokuttué alupureng matu.

AMSAL 20:4

Patani iya makuttué dé' najamai dare'na ri wettunna; angkanna ri wettu éngngalang dé' aga-aga napowassélé tanana.

AMSAL 29:21

Ata iya ripajjabé mappammulai malolona, paccappurenna mancajiwi matu matedde ulu.

YESAYA 10:3

Aga matu muwébbu ri esso nahukkummu Allataala? Aga awatangemmu ri wettu napapolé-Na abala polé ri wanuwa iya mabélaé? Kégiko lao méllau tulung matu? Kégiko matu subbui iyaro asugiremmu?

YEREMIA 5:31

mabbelléi nabi-nabié, mattumaniwi imang-ngimangngé situru élona na iko umma'-Ku mupoji gau'éro. Iyakiya aga mupogau' matu rékko narapini esso paccappurengngé?”

HOSEA 9:5

Ri esso-esso maraja agamaé untu' pakalebbii Puwangnge, dé'gaga mullé pogau'i matu untu' ramé-raméiwi.

MATIUS 20:8

Labunnana essoé, makkedani iyaro punna dare' anggoro'é lao ri mandoro'na, ‘Obbini iyaro sining pajjamaé, namuwajai gajinna tungke'-tungke', mappammulai muttama'é poddimonrié gangka iya bungé muttama'é.’

MARKUS 10:46

Lettu'ni mennang ri Yérikho. Na wettunna Yésus sibawa ana'-ana' gurun-Na enrengngé tau maégaé salaiwi kotaéro, engka séddi tau buta tudang ri wiring lalengngé maréllau-éllau. Asenna Bartiméus, ana'na Timéus.

LUKAS 12:17

Iyaro tau sugié mamulani mappikkiri' ri laleng atinna, ‘Dé'na gaga onronna wassélé tanaku. Agana akkalekku makkekkuwangngé?’

LUKAS 16:2

Jaji naobbini iyaro pakkatenning dowié, nakkeda, ‘Aga iyaé uwéngkalingaé passalemmu? Makkekkuwangngé, wérékka laporanna passalenna jama-jamammu murusu'i asugirekku. Dé'na naweddikko mancaji pakkatenning dowiku.’

LUKAS 16:20

Ri yolona tange'na bolana ripalénne'i séddi tau kasiyasi riyasengngé Lazarus. Watakkaléna pennoi sibawa lettang.

LUKAS 16:22

Namaténa iyaro tau kasiyasié naritiwi ri malaéka'é ri onrong malebbié ri surugaé ri seddéna Abraham. Namaté tona iyaro tau sugié sibawa ritampung.

LUKAS 16:4

Engka akkalekku; rékko ripaléssoka, harusu'ka mappunnai maéga sellao iya maéloé pappérumaka ri bolana!’

LUKAS 18:4

Siyagangngaré ittana iyaro hakingngé dé' namaélo tulungngi iyaro jandaé. Iyakiya angkanna mappikkiri' iyaro hakingngé, ‘Muwi dé' umétau lao ri Allataala sibawa dé'na upaduliwi muwi lao ri niga,

YOHANES 9:8

Sining balibolana enrengngé sining tau iya puraé mitai maréllau-réllau, makkeda manenni, “Tenniyaga iyaé tauwé biyasa tudang maréllau-réllau?”

RIWAYA'NA RASUL-RASUL-E 3:2

Kuwaro ri pintu gerbang riyasengngé “Pintu Gello”, engka séddi tau worowané iya péso'é sipongenna jaji. Esso-esso iyaro tauwé ritiwi kuwaro untu' méllau sidekka risining tau iya muttama'é ri Bolana Puwangngé.

RIWAYA'NA RASUL-RASUL-E 9:6

Iyakiya makkekkuwangngé oto'no namumattama ri kotaé. Kuwapiro matu ripowadakko aga harusu' mupogau'.”

2 TESALONIKA 3:11

Ripowadai iyaé nasaba riyéngkalingai makkedaé engka tau ri yelle'mu iya tuwoé makkuttu-kuttu. Dé'gaga napogau' mennang sangadinna sibu'i campuru'i urusanna tau laingngé.