LUKAS 16:2 - KITTA KAREBA MADECENG

² Jaji naobbini iyaro pakkatenning dowié, nakkeda, ‘Aga iyaé uwéngkalingaé passalemmu? Makkekkuwangngé, wérékka laporanna passalenna jama-jamammu murusu'i asugirekku. Dé'na naweddikko mancaji pakkatenning dowiku.’

LUKAS 16:2 ပူးပေါင်းရင်းမြစ်များ

PAKKATOBBA 12:14

Naadélékiwi matu Allataala sininna pangkauketta; iya makessingngé sibawa majaé, mala iya tassubbuétto.

MATIUS 12:36

Jaji, éngngerangngi: ri Esso Kiyame', tungke' tau harusu'i tanggung jawakiwi tungke' ada-adanna iya dé'é nakkéguna.

MATIUS 20:8

Labunnana essoé, makkedani iyaro punna dare' anggoro'é lao ri mandoro'na, ‘Obbini iyaro sining pajjamaé, namuwajai gajinna tungke'-tungke', mappammulai muttama'é poddimonrié gangka iya bungé muttama'é.’

LUKAS 12:20

Iyakiya makkedai Allataala lao ri tauwéro, ‘Eh donggo! Iyato wennié mumaté matu, na nigana matu lolongengngi sininna asugireng iya puraé mupaddeppungengngi alému?’

LUKAS 12:42

Nappébali Puwangngé, “Niga pattumani iya matinulué sibawa maccaé angkanna riyakka ri puwanna mancaji kapala lao risining pattumani laingngé kuwammengngi nawéréngngi nanré ri wettunna?

LUKAS 16:1

Nakkeda Yésus lao ri ana'-ana' gurun-Na, “Engka séddi tau sugi. Mappunnaiwi séddi pakkatenning dowi iya marusu'éngngi asugirenna. Iyaro tau sugié lolongengngi laporang makkedaé iyaro pakkatenning dowina nallabowangngi dowina.

LUKAS 16:3

Nappikkiri'na iyaro pakkatenning dowié, ‘Aga harusu' upogau' makkekkuwangngé? Maéloi Puwakku paléssoka. Nadé' uwulléi mabbéngkung, sibawa masirika maréllau-éllau.

ROMA 14:12

Jaji tungke'-tungke'ki harusu' tanggung jawakiwi sininna pangkauketta lao ri Allataala.

1 KORINTUS 1:11

Saba', sining tau polé ri kaluwarga Kloé laporo'i ri iyya engka assasang ri yelle'mu.

1 KORINTUS 4:2

Iya bunge'-bunge' natuntu'é polé ri pattumani makkuwaéro iyanaritu matinului ri puwanna.

1 KORINTUS 4:5

Rimakkuwannanaro, nasaba dé'pa na wettunna, aja' mumasitta pattentui makkedaé séddié tau pasalai iyaré'ga dé'. Tajengngi narapi Puwangngé polé matti. Aléna ritu bukkai matu sininna rahasiya iya tassubbué ri laleng pettangngé. Aléna ritu matu bongkara'i sininna niya' iya radde'é ri laleng atinna rupa tauwé. Ri wettuénnaro nappa tungke' tau tarimai polé ri Allataala pappoji iya sitinajaé natarima.

2 KORINTUS 5:10

Saba' pasti idi maneng ripangoloki matu ri yolona angadélékenna Kristus, na tungke'-tungke' matu lolongengngi pamale' iya siratangngé sibawa pangkaukenna ri linoéwé – pangkaukeng makessing iyaré'ga maja.

1 TIMOTIUS 4:14

Aja' mujampaléllé makkégunangngi pammasé polé ri Rohna Allataala iya riwéréngngékko wettunna sining pamimping jema'é palénne'i limanna mennang ri yasé'na ulummu, sibawa nabi-nabié palettu'i pasenna Allataala passalenna alému.

1 TIMOTIUS 5:24

Sibagiyang dosana tauwé, riwettu dé'napa nariadéléki, paitani sibawa manessa. Iyakiya dosana sibagiyang tau laingngé nappai naisseng rékko purairo.

1 PETRUS 4:10

Iko pada purano tarima pammasé iya maddupa-rupangngé polé ri Allataala. Rimakkuwannanaro selaku pajjama iya makessingngé polé risining pabbéréna Allataala, sitinajako makkégunangngi sining pabbéréro untu' apentingeng massibawa.

1 PETRUS 4:5

Iyakiya matti harusu'i mennang mattanggung jawa' lao ri Allataala iya sadiyaénna untu' madélékiwi tau iya tuwoé sibawa iya maté.

WAHYU 20:12

Sibawa uwitai sining tau maté, baiccu battowa, tettong ri yolona kadéra arajangngéro. Naritimpa'na sining kitta'é. Nainappa séddi kitta laingngé ritimpa, iyanaritu Kitta'na Tau Tuwoé. Nainappa ripatatteppa pahukkungengngé ri yasé'na sining tau maté, situru pangkaukenna mennang iya riyokié ri laleng sining kitta'éro.