LUKAS 15:8 - KITTA KAREBA MADECENG

⁸ “Iyaré'ga ébara'na engka séddi makkunrai mappunnai seppulo dowi péra', nateddéng séddi – aga napogau'? Napalluwa'i pajjennangengngé sibawa naseringngi bolana enrengngé massappai kégi-kégi narapi nalolongeng iyaro dowié.

LUKAS 15:8 ပူးပေါင်းရင်းမြစ်များ

YEHEZKIEL 34:12

pada-pada séddi pakkampi sappaii sibawa paddeppungengngi sining bimbala'na iya tassiya-siyaé nainappa napiyara mennang. Utiwii matu mennang lisu polé ri sininna onronna tattale ri esso iya mapettangngé sibawa mabbahayaéro.

MATIUS 5:15

Dé'gaga tau palluwa lampu, nainappa natongko iyaro lampué sibawa baku. Mala nataroi iyaro lampué ri onrong lampué, kuwammengngi nabbéré tajang lao ri tungke' tau ri laleng bolaéro.

LUKAS 15:7

Nah, makkuwaniro ri surugaé, engka ariyo-riyong iya lebbi battowaé nasaba toba'na séddié tau madosa, naiya lao ri aséraé pulona aséra tau iya makessingngé dé'é naparellu toba'.”

LUKAS 15:9

Ri wettu nalolongenna iyaro dowié, naobbini sellao-sellaona enrengngé bali-bali bolana, nanakkeda, ‘Marennu senna'ka ulolongenni paimeng dowiku iya teddéngngé. Laono mai tamariyo-riyo!’

LUKAS 19:10

Ana'na Tolinoé poléi untu' sappai sibawa passalama'i tau iya pusaé.”

YOHANES 10:16

Engka mupa bimbala'-bimbala' laing iya Uwappunnangiyétto, iya dé'é nauttama ri laleng konrong bimbala'éwé. Harusu' towi Uputtama mennang sibawa naéngkalingana matu saddak-Ku. Nancaji manengngi matu mennang sikonrong sibawa séddi pakkampi.

YOHANES 11:52

Natenniya untu' bangsa Yahudié bawang, iyakiya untu' paddeppungeng towi sibawa passéddiwi ana'-ana'na Allataala iya massara-sarangngé.

RIWAYA'NA RASUL-RASUL-E 19:19

Iya mennang biyasaé makkégunang paddissengeng, napaddeppungenni kitta'-kitta'na nanatunui ri yolona tau maégaé. Iyaro ellinna kitta'-kitta'é rékko rijumella manengngi engka kira-kira limappulo sebbu dowi péra'.

EFESUS 2:17

Iyanaro saba'na napolé Kristus untu' mabbirittangngi Karéba Madécéngngé passalenna assidaméngengngéro lao ri iko; muwi lao ri iko tenniyaé Yahudi iya mabélaé riyolo polé ri Allataala, iyaré'ga lao ri tau Yahudié iya macawé'é ri Allataala.