LUKAS 15:6 - KITTA KAREBA MADECENG

⁶ nanatiwii lisu. Nainappa naobbi sining sellaona sibawa bali-bali bolana, nanakkeda, ‘Laono mai tamariyo-riyo. Bimbala'ku iya teddéngngé, ulolongenni paimeng!’

LUKAS 15:6 ပူးပေါင်းရင်းမြစ်များ

MAZMUR 119:176

Pusaka pada-pada bimbala iya teddéngngé, poléni, sibawa sappai atam-Mué, saba' dé' utettangngi sining parénta-Mu.

LUKAS 1:58

Sining balibolana sibawa sumpulolona naéngkalingani pékkugi kessinna Puwangngé lao ri Elisabét, nanaccowéna marennu silaong Elisabét.

LUKAS 15:10

Makkuwatoniro malaéka'na Allataala marennui rékko engka séddi tau maja toba' polé ri dosa-dosana. Ateppe'no!”

LUKAS 15:24

Saba' iyaé ana'ku maténi, namakkekkuwangngé tuwosi; teddénni, namakkekkuwangngé rilolongenni paimeng.’ Nappammulana mennang mappésta.

LUKAS 15:5

Narékko nalolongenni paimeng iyaro bimbala'é, makkumani senna'na angkanna naéssanni iyaro bimbala'é ri salangkanna,

LUKAS 15:7

Nah, makkuwaniro ri surugaé, engka ariyo-riyong iya lebbi battowaé nasaba toba'na séddié tau madosa, naiya lao ri aséraé pulona aséra tau iya makessingngé dé'é naparellu toba'.”

YOHANES 15:14

Iko iyanaritu sellao-sellao-Ku, rékko mupogau'i aga iya Uparéntangengngékko.

YOHANES 3:29

Botting makkunraié iyanaritu appunnangennai bottimpurané. Sellaona bottimpuranéro banna tettongngi ranrengngi sibawa méngkalingai, sibawa masennangngi rékko naéngkalingai saddanna bottimpurané. Makkuwatoniro iyya. Makkekkuwangngé masennang senna'ka.

RIWAYA'NA RASUL-RASUL-E 11:23

Na wettunna Barnabas lettu kuwaro, sibawa naitana pékkugi Allataala pura barakkakiwi sining tauwéro, marennu senna'ni. Nanaéllauni kuwammengngi nattonget-tongeng matinulu lao ri Puwangngé sibawa sukku atinna.

RIWAYA'NA RASUL-RASUL-E 15:3

Jema'é ri Antiokhia mantara'i mennang lettu ri saliweng kota, nanajoppa mennang lalo Fénésia sibawa Samaria. Kuwaniro mennang maccurita pékkugi sining tau bangsa laingngé tenniyaé Yahudi mabbéréyangngi aléna lao ri Allataala. Iyaro birittaé napurennu senna'ni sining tau iya mateppe'é kuwaro.

FILIPI 1:4

Sibawa sises-siseng uwassempajangeng manekko, massempajakka sibawa masennang ati.

FILIPI 2:17

Naullé riyunoka matu na daraku mancaji pada-pada akkarobangeng riyabbolorengngé ri yasé'na aga iya muwakkasuwiyangengngé lao ri Allataala selaku tanrang makkedaé mateppe'ko ri Aléna. Rékko mémeng harusu'i makkuwaro, sukkuru'ka lao ri gau'éro sibawa maccowéto marennu silaong iko.

FILIPI 4:1

Rimakkuwannanaro, Saudara-saudaraku iya uwéloriyé, makkuwaniro sitinajammu tuwo sibawa mattonget-tongeng mateppe' lao ri Puwangngé. Muddaniwi atikku ri iko! Iko ritu uwattuwang mébbuka marennu.

1 TESALONIKA 2:19

Tongeng iko ritu amménasatta sibawa arennutta. Saba' matti rékko poléi Puwang Yésus, sibawa mangoloki ri Aléna, iko ritu mancaji matu attuwangetta!

1 PETRUS 2:10

Riyolo tenniyako umma'na Allataala, iyakiya makkekkuwangngé iko iyanaritu umma'na Allataala. Riyolo dé' nariyamaséiko ri Allataala, iyakiya makkekkuwangngé tarimako paressé babuwa.

1 PETRUS 2:25

Riyolo pada-padako bimbala' iya pusaé, iyakiya makkekkuwangngé ritiwiko lisu untu' maccowériwi Pakkampi sibawa Pappiyara nyawamu.