LUKAS 15:5 - KITTA KAREBA MADECENG

⁵ Narékko nalolongenni paimeng iyaro bimbala'é, makkumani senna'na angkanna naéssanni iyaro bimbala'é ri salangkanna,

LUKAS 15:5 ပူးပေါင်းရင်းမြစ်များ

YESAYA 62:12

Riyasengngi matu mennang: ‘Umma mapaccing’; ‘Umma iya napassalama'é Puwangnge’. Riteppui matu Yérusalém ‘Kota iya ripalécé ri Puwangnge’, ‘Kota iya dé'énna risalaiwi ri Puwangnge’.

YESAYA 62:5

Pada-pada séddié kallolo kawingiwi ana'daraé, makkuwaniro Pappancajimmu pubainéko matu. Pada-pada séddié botting marennu mitai bainéna, makkuwaniro Allataala sennangiko matu.

YESAYA 63:9

Aléna paimeng nakenna asussanna mennang. Dé' nakiring Puwangnge suro iyaré'ga duta; Aléna ritu paleppe'i mennang nasaba pammasé sibawa paressé babuwa-Na. Tuli napiyarai mennang riyolopa nariyolo.

YEHEZKIEL 18:23

Mupikkiri'iga Iyya Puwang Iya Pommatanré masennang rékko matéi tau majaé? Dé' sises-siseng! Macinna-Ka kuwammengngi nasalaiwi dosa-dosana kuwammengngi natuwo.

YEHEZKIEL 33:11

Powadangngi mennang makkedaé nasaba Iyya, Allataala iya tuwoé, Puwang Iya Pommatanré, dé' Umasennang rékko matéi tau majaé; sibalé'na macinna-Ka nasalaiwi dosa-dosana kuwammengngi natette tuwo. Eh bangsa Israélié, appésauno pogau'i majaé! Magi mumaélo maté?

MIKHA 5:4

sibawa mabbéréi matu adaméngeng. Narékko nagasai tentara Asyur-é wanuwatta sibawa rumpa'i attahangetta, ripangarai matu sining pamimpitta iya kaminang mawatangngé untu' musui mennang. Iyaro sining pamimpitta nacaui matu Asyur sibawa awatangeng senjata, nenniya passalama'ki polé ri limanna mennang.

MIKHA 7:18

Dé'gaga Allataala pada-padam-Mu, oh Puwang, iya maddampengengngéngngi dosana umma Mupilé iya risésaé. Dé' na untu' mannennungeng macai-Ko; sibalé'na, masennak-Ko mappaitangngi pappojim-Mu iya dé'é gaga paggangkannaro.

ZEFANYA 3:17

Rilinrungiko ri Puwang Allataalamu iya baranié. Pakalako nasaba akuwasan-Na. Marennui sibawa mariyo-riyoi Puwangnge nasaba iko, ri laleng pammasé-Na Nawérékko atuwong mabaru.

LUKAS 15:32

Iyakiya harusu'ka mappésta sibawa mariyo-riyo, saba' iyaro anrimmu maténi, iyakiya makkekkuwangngé tuwoi paimeng, teddénni, iyakiya makkekkuwangngé rilolongenni paimeng.’ ”

LUKAS 15:4

“Akkalarapanna engka séddi ri yelle'mu mappunnai sératu bimbala', nateddéng sikaju – aga napogau' matu? Pasti nasalaiwi matu iyaro aséraé pulona aséra kajunna ri padangngé, nalao sappai iyaro teddéngngé gangkanna nalolongeng.

LUKAS 15:6

nanatiwii lisu. Nainappa naobbi sining sellaona sibawa bali-bali bolana, nanakkeda, ‘Laono mai tamariyo-riyo. Bimbala'ku iya teddéngngé, ulolongenni paimeng!’

LUKAS 19:9

Nakkeda Yésus, “Iya essoéwé iko sibawa kaluwargamu pura ripassalama'ni ri Allataala sibawa riwéréng atuwong iya barué, saba' wijanna tokko Abraham.

LUKAS 23:43

Nakkeda Yésus lao ri tauwéro, “Ateppe'no, iyaé essoé sibawakko matu Iyya ri Firdaus.”

YOHANES 15:11

Iya manennaé Upaissengiko, kuwammengngi arennuk-Ku engkai ri laleng atimmu, sibawa mancaji sukku arennummu.

EFESUS 2:10

Idi iyanaritu winrunaki Allataala, nanaolai Kristus Yésus, nabentu'ki Allataala kuwammengngi naripogau' gau'-gau' iya makessingngé iya puraé napassadiyangekki.

EFESUS 3:7

Allataala mpérékka pammasé – iyanaritu jamang – untu' pallebbangngi Karéba Madécéngngéro. Utarimai iyaro pammasé naolai akuwasanna Allataala iya majjamaé ri laleng aléku.

1 TESALONIKA 1:5

Saba' idi palettu'i Karéba Madécéngngé lao ri iko tenniya sibawa ada-ada bawang, iyakiya nasibawatto akuwasang, nasibawang Rohna Allataala. Nasibawang ateppereng makkedaé iyaro Karéba Madécéngngé tongengngi. Muwisseng pékkugiki tuwo untu' apentingemmu wettutta engka ri tengnga-tengngamu.

2 TIMOTIUS 2:26

Nanallalengiro namainge' mennang paimeng, sibawa leppe' polé ri siyo-siyona Ibillisi' iya puraé tawangngi mennang sibawa passai mennang maccowériwi élona.

IBRANI 12:2

Sitinajai pakkitatta mattuju lao ri Yésus, saba' Aléna ritu iya paoto'éngngi teppe'ta sibawa piyarai polé ri pammulanna lettu ri paccappurenna. Tahangngi Yésus manrasa-rasa ri aju sallié! Dé' Napaduliwi makkedaé maté ri aju salliéro iyanaritu séuwa gau' iya mappakasiri-sirié. Banna maréngngerangngi lao ri arennuwang iya Napérasaiyé matu ri munri. Makkekkuwangngé tudanni ri seddé ataunna akkarungenna Allataala, enrengngé mapparéntai silaong Aléna.

1 PETRUS 1:5

Iya manenna iyanaritu untu'mu, nasaba mateppe'ko ri Allataala. Narijagaiko sibawa akuwasanna Allataala kuwammengngi mutarimai asalamakeng iya sadiyaénna ripannessa ri ahéra' matti.