LUKAS 15:4 - KITTA KAREBA MADECENG

⁴ “Akkalarapanna engka séddi ri yelle'mu mappunnai sératu bimbala', nateddéng sikaju – aga napogau' matu? Pasti nasalaiwi matu iyaro aséraé pulona aséra kajunna ri padangngé, nalao sappai iyaro teddéngngé gangkanna nalolongeng.

LUKAS 15:4 ပူးပေါင်းရင်းမြစ်များ

MAZMUR 119:176

Pusaka pada-pada bimbala iya teddéngngé, poléni, sibawa sappai atam-Mué, saba' dé' utettangngi sining parénta-Mu.

YESAYA 53:6

Pusa manekki pada-pada bimbala'é, tungke-tungke sappai lalenna muto. Puwangnge pura patakkennai ri aléna jata maneng.

YEREMIA 33:13

Ri kota-kotaé ri daéra bulué, ponna bulué, daérana Yéhuda yattang, sibawa ri daérana Bényamin enrengngé ri désa-désa ri seddéna Yérusalém, sibawa ri kota-kotana Yéhuda, sining pakkampié nabilassi matu paimeng sining bimbala'na mennang. Iyya, Puwang, pura mabbicara.”

YEREMIA 50:6

Umma'-Ku sinrupai bimbala iya puraé rileppessang pusa ri bulué ri pakkampi-pakkampina. Solléi mennang polé ri séddié bulu lao ri bulu laingngé na dé'na naissengngi kégani bolana mennang.

YEHEZKIEL 34:16

Iya teddéngngé Usappai matu, iya pusaé Utiwii matu lisu, iya maloé Ubebbe'i matu, iya malasaé Uwuraiwi matu; iyakiya iya macommo'é sibawa mawatangngé Upaccappui matu, saba' Iyya pakkampi iya pogau'éngngi aga iya makessingngé.

YEHEZKIEL 34:31

Tongeng, iko ritu bimbala makkonrok-Ku iya Uwéréngngé inanré. Iko iyanaritu umma'-Ku, na Iyya Allataalamu. Iyya, Puwang Iya Pommatanré pura mabbicara.”

YEHEZKIEL 34:4

Sining bimbala'mu iya malemmaé dé' mupiyarai, iya malasaé dé' muuraiwi, iya maloé dé' mubebbe'i, iya pusaé sibawa teddéngngé dé' musappai sibawa tiwii lisu. Mala sininna bimbala'muro mugaukengngi sibawa mapéddara.

YEHEZKIEL 34:8

Nasaba Iyya, Allataala iya tuwoé, pénessaiwi! Ritikkenni sining bimbala'-Ku sibawa riyanréni ri olokolo masekkangngé, nasaba dé'gaga mampii mennang. Iko sining pakkampi-Ku dé' mujampangiwi sining bimbala'éro. Banna mupikkiri'i bawang alému, tenniya apentingenna sining bimbala'mu.

MATIUS 12:11

Nappébali Yésus, “Akkalarapanna engka séddi tau polé ri yelle'mu mappunnai séddi bimbala', na ri esso Saba'é iyaro bimbala'é sempé'i ri laleng kalebbong iya malamungngé; dé'ga naiyaro tau punnaé bimbala' makkuragai passui iyaro bimbala'é polé ri laleng kalebbongngéro?

LUKAS 13:15

Nappébali Puwangngé, “Munapé'ko iko! Ri esso Saba'é sininna tauwé paleppe'i sapinna iyaré'ga kaleddé'na polé ri wakkéna sibawa natiwii massu untu' paénungngi.

LUKAS 15:3

Rimakkuwannanaro nacuritai Yésus pakkalarapangngéwé lao ri mennang,

LUKAS 19:10

Ana'na Tolinoé poléi untu' sappai sibawa passalama'i tau iya pusaé.”

ROMA 2:1

Rimakkuwannanaro, Saudara-saudara, niga Saudara angkanna Saudara maélo passalai tau laingngé? Dé' agaga nappunnai Saudara untu' méwaiwi alému! Saba' rékko Saudara passalai tau laingngé, padahal napogau' towi Saudara pangkaukeng iya pada-padaé mennang, tentu Saudara pakennai towi aléna pahukkungeng.

1 PETRUS 2:25

Riyolo pada-padako bimbala' iya pusaé, iyakiya makkekkuwangngé ritiwiko lisu untu' maccowériwi Pakkampi sibawa Pappiyara nyawamu.