LUKAS 15:1 - KITTA KAREBA MADECENG

¹ Riséuwaé esso, maéga passinge' sima sibawa sining tau iya riyangga' dé'é namakessing ri masaraka'é, polé méngkalingai Yésus.

LUKAS 15:1 ပူးပေါင်းရင်းမြစ်များ

YEHEZKIEL 18:27

Iyakiya rékko tau iya majaé dé'na napogau'i dosaénna sangadinna mammulani pogau'i pangkaukeng iya tongengngé sibawa makessingngé, salama'i matu nyawana.

MATIUS 5:46

Saba' rékko iyami muwamaséi tau iya mamaséiyékko, untu' aga Allataala harusu' nawale' pangkaukemmuro? Dé'ga nasining passinge' simaé pogau' towi makkuwaéro?

LUKAS 13:30

Sitongenna, engka tau poddimonri mancaji matu pammulang, na engka tau pammulang mancajiwi matu poddimonri.”

LUKAS 7:29

Sininna tauwé – muttama' toni sining passinge' simaé – naéngkalingai Yésus powadai gau'éro: mennang ritu sining tau iya puraé turusiwi sining tuntutanna Allataala sibawa maélona ricemmé ri Yohanés.

ROMA 5:20

Iya mabbéréyangngéngngi hukkunna agama Yahudié iyanaritu Allataala muto. Iyakiya pédé' makkuragai tolinoé turusiwi iyaro hukkung-hukkungngé, pédé' najjalékkaiwi mennang sibawa madosa lao ri Allataala. Iyakiya namuni pédé' pogau' dosa tolinoé, Allataala pédé' mamaséiwi mennang.

1 TIMOTIUS 1:15

Tongeng senna' iyaé ada-adaé – rimakkuwannanaro sitinajai ritarima sibawa riyatepperi maneng –: “Poléi Kristus Yésus ri linoéwé untu' passalama'i tau madosaé.” Na iyya'na tau madosa iya kaminang majaé.