LUKAS 13:8 - KITTA KAREBA MADECENG

⁸ Iyakiya mappébaliwi iyaro paddare'é, ‘Leppessanni tuwo taungngéppaé, Puwang. Maéloka béngkungngi tanaé mattulilingiyéngngi sibawa pupu'i.

LUKAS 13:8 ပူးပေါင်းရင်းမြစ်များ

MAZMUR 106:23

Namanniya'na Allataala paccappui mennang, iyakiya ripésangkaiwi ri Musa, tau napilé-Na. Mancajini Musa pappallalanna mennang, angkanna soro cai-Na Allataala.

ASSURENG 34:9

Adanna, “Puwang, rékko tonget-tongekko Muwélorika, uwéllauwi, accowéni Puwang silaongekki. Iyaro bangsaé mémeng matedde atiwi, iyakiya addampengengngi jata sibawa dosata namutarimaki selaku umma'-Mu muto.”

YEREMIA 15:1

Makkedai Puwangnge lao ri iyya, “Dé' Umaélo mamaséiwi bangsaéwé, namuni Musa sibawa Samuél tettongngi kuwaé untu' méllauwi paressé babuwa-Ku untu' mennang. Suroi iyaé bangsaé lao, dé' Umaélo mitai mennang!

YEREMIA 18:20

Sipato'ga décéngngé riwale sibawa ja? Iyakiya purani mennang kali kalebbong kuwammengngi usempé ri lalenna. Engngerangngi makkedaé purani uwéwai mennang ri yolo-Mu, kuwammengngi aja' Mumacai lao ri mennang.

YOEL 2:17

Suroi sining imang iya tumaningiyéngngi Puwangnge, teri ri pallawangenna mézbaé sibawa légo-légo ri yoloé, namakkedato, “Eloriwi umma'-Mu, oh Puwang; aja' taleppessangngi umma'-Mu mancaji matuna,” angkanna massindiri sibawa makkeda bangsa-bangsa laingngé, “Kégani Allataalana mennang?”

LUKAS 13:7

Jaji, makkedai lao ri paddare'na, ‘Itai, telluttaunni poléka sappa buwa ara ri pong araéwé, iyakiya dé'gaga ulolongeng muwi sibatu. Tubbang bawanni pong araéro! Paccappu bawammi anré polé ri tanaé!’

LUKAS 13:9

Ajakké mabbuwai matu taung mangoloé. Iyakiya rékko dé', weddinni Puwang tassuro tubbang.’ ”

LUKAS 14:35

Dé'na gaga gunana, muwi untu' dare'é iyaré'ga untu' pappakacommo. Jaji riyabbéyang bawang. Rékko mappunnaiko daucculing, éngkalingai!”

ROMA 10:1

Saudara-saudara! Muddani senna'ka kuwammengngi bangsaku ripassalama'i. Mattonget-tongekka massempajang lao ri Allataala untu' mennang.

ROMA 11:14

Mamménasaka uwulléi paompoi angémpurunna bangsaku, kuwammengngi nallalengiro uwulléi passalama'i sibagiyang polé ri mennang.

2 PETRUS 3:9

Dé' namatengnge Puwangngé mabbéréyangngi aga iya puraé najjanciyang, namuni engka masengngi makkuwaro. Sibalé'na, sabbara'i lao ri iko, saba' dé' namaélo muwi séddi tau binasa. Macinnai kuwammengngi sininna tauwé natoba' polé ri dosa-dosana.