LUKAS 13:7 - KITTA KAREBA MADECENG

⁷ Jaji, makkedai lao ri paddare'na, ‘Itai, telluttaunni poléka sappa buwa ara ri pong araéwé, iyakiya dé'gaga ulolongeng muwi sibatu. Tubbang bawanni pong araéro! Paccappu bawammi anré polé ri tanaé!’

LUKAS 13:7 ပူးပေါင်းရင်းမြစ်များ

ASSURENG 32:10

Aja' mucobai lawa-lawai-Ka. Macai-Ka lao ri mennang sibawa maélo paccappui. Iyakiya iko sibawa wija-wijammu Upancajiwi matu séddi bangsa iya battowaé.”

DANIEL 4:14

Makkedai sibawa macenno, ‘Tubbangngi ajuéro sibawa rette'i takké-takkéna, padduttungngi daud-daunna sibawa assiyamporengngi buwana. Rukkai olokolo iya léwué ri yawana sibawa manu'-manu' iya massarangngé ri takké-takkéna.

ANGIMANGENG 19:23

Rékko muttama'no ri wanuwa Kanaan sibawa taneng maddupa-rupang pong buwa-buwa kuwaro, ri laleng telluttaung mammulangngé harusu'i muwangga harang buwa-buwana sibawa dé' nawedding muwanré.

ANGIMANGENG 25:21

Ri laleng taung maennengngé nabarakkakiwi matu Puwangnge tanaé angkanna wassélé'na genne'i untu' tellut-taung.

MATIUS 7:19

Tungke' pong ngaju iya dé'é naulléi powassélé buwa makessingngé, ritubbangngi naritunu.

LUKAS 13:8

Iyakiya mappébaliwi iyaro paddare'é, ‘Leppessanni tuwo taungngéppaé, Puwang. Maéloka béngkungngi tanaé mattulilingiyéngngi sibawa pupu'i.

LUKAS 3:9

Sadiyani wasé untu' tubbangngi pong ajué lettu ri ure'-ure'na. Tungke' pong aju iya dé'é napowassélé' buwa makessing ritubbangngi matu naribuwang ri laleng apié.”

YOHANES 15:2

Tungke' takké-Ku iya dé'é nakkébuwa, narette'i, sibawa tungke' takké mabbuwaé, nakurangiwi daunna sibawa Napaccingiwi kuwammengngi nalebbi maégapasi buwana.

YOHANES 15:6

Tau iya dé'é natette' masséddi sibawa Iyya, riyabbéyangngi matu pada-pada takké, namancaji marakko. Takké-takké iya pada-padaéro ripaddeppungengngi matu, nariyabbéyang ri apié, nainappa ritunu.