LUKAS 13:5 - KITTA KAREBA MADECENG

⁵ Dé' sises-siseng! Siseppi Upowada: Rékko dé' mutoba' polé ri dosa-dosamu, maté maneng tokko matu pada-pada mennang.”

LUKAS 13:5 ပူးပေါင်းရင်းမြစ်များ

YEHEZKIEL 18:30

Makkedai Puwang Iya Pommatanré, “Eh sining tau Israélié, Uwadélékiwi matu tungke tauwé situru sibawa pangkaukenna. Toba'no polé ri dosa-dosamu. Aja' muleppessangngi dosamu mancuru'i alému.

LUKAS 13:3

Dé' sises-siseng! Iyakiya éngngerangngi: Rékko dé' mutoba' polé ri dosa-dosamu, maté maneng tokko matu pada-pada mennang.

LUKAS 13:4

Pékkugi towi seppulo aruwa tau iya maté ri Siloam, wettunna nageppa manara mennang? Muwasengngiga iyaro mappaitangngi lebbi madosai mennang naiya sininna tau laingngé iya monroé ri Yérusalém?

LUKAS 13:6

Purairo nacurita towi Yésus pakkalarapangngéwé, “Engka séddi tau mappunnai pong ara ri dare anggoro'na. Riséuwaé esso laoni sappa buwa ara ri pong ngajuéro, iyakiya dé'gaga nalolongeng muwi sibatu.