LUKAS 13:16 - KITTA KAREBA MADECENG

¹⁶ Makkekkuwangngé engka kuwaé séddi makkunrai wija-wijanna Abraham, iya seppuloénna aruwa taung ittana risiyo ri Ibillisi'. Dé'ga nawedding ripaleppe' polé ri passiyonaro ri esso Saba'é?”

LUKAS 13:16 ပူးပေါင်းရင်းမြစ်များ

MAZMUR 107:14

Natiwii mennang massu polé ri pettangngé, sibawa poloi balenggunna mennang.

MATIUS 4:10

Nappébali Yésus, “Addésu'ko Ibillisi'! Ri laleng Kitta'é tarokii: Sitinajako sompai Puwang Allataalamu, sibawa tumaningiwi Aléna bawang!”

MARKUS 2:27

Nainappasi makkeda Yésus, “Esso Saba'é ripakangkai untu' rupa tauwé; tenniya rupa tauwé untu' esso Saba'é.

LUKAS 16:24

Nagorana iyaro tau sugié, ‘Bapa' Abraham! Amaséika. Suroi Lazarus remméi jarinna ri laleng uwai nainappa lao bésa'i lilaku. Manrasa-rasa senna'ka ri lalenna apiéwé!’

LUKAS 19:9

Nakkeda Yésus, “Iya essoéwé iko sibawa kaluwargamu pura ripassalama'ni ri Allataala sibawa riwéréng atuwong iya barué, saba' wijanna tokko Abraham.

LUKAS 3:8

Appaitanni ri laleng pangkaukemmu makkedaé toba'no polé ri dosa-dosamu! Aja' muwakkeda makkedaé Abraham iyanaritu néné-nénému. Engngerangngi! Polé ri batu-batuéwé, naulléi Allataala pinru wija-wijanna untu' Abraham!

YOHANES 8:44

Ibillisi' ritu ambo'mu. Pammulanna mupa na iyaro Ibillisi' pabbuno. Dé' naengka naccowé ri atongengengngé, saba' dé' atongengeng ri aléna. Rékko mabbelléi, mémeng sitinaja, saba' makkuwa mémenro sipa'na. Pabbelléngngi sibawa assalenna sininna bellé.

RIWAYA'NA RASUL-RASUL-E 13:26

Saudara-saudara wijanna Abraham, sibawa sininna Saudara-saudara laingngé kuwaé iya matinulué ri Allataala! Allataala pura kiringngi lao ri idi karéba asalamakengngéro;

2 TIMOTIUS 2:26

Nanallalengiro namainge' mennang paimeng, sibawa leppe' polé ri siyo-siyona Ibillisi' iya puraé tawangngi mennang sibawa passai mennang maccowériwi élona.