LUKAS 13:14 - KITTA KAREBA MADECENG

¹⁴ Macaini iyaro kapalana bola assompangngé, nasaba mappajjappai Yésus ri esso Saba'é, rimakkuwannanaro makkedai lao risining tauwé, “Engka enneng essona untu' majjama; poléno ri esso-essoéro untu' mappajjappa, aja' na ri esso Saba'é!”

LUKAS 13:14 ပူးပေါင်းရင်းမြစ်များ

ASSURENG 20:9

Uwérékko enneng esso untu' majjama,

ASSURENG 23:12

Enneng essona ri laleng si minggué weddikko majjama, iyakiya ri esso mapitué harusu'ko mappésau, kuwammengngi olokolo'mu, ata-atammu sibawa sining tau majjamangengngékko wedding towi mappésau.

YEHEZKIEL 20:12

Usuroi mennang pakalebbii esso Saba'é selaku tanrang assijancik-Ku sibawa mennang, untu' paréngngerangiwi mennang makkedaé Iyya Puwang, pura pallaingngi mennang untu' alé-Ku.

YEHEZKIEL 34:21

Muredde'i sibawa mutanru'i bimbala iya malasaé angkanna rilellung polé ri konronna bimbala'é.

ANGIMANGENG 23:3

Engka enneng essona untu' mappallaung, iyakiya esso mapitué, esso Saba'é, iyanaritu esso appésaungeng iya ripallaingngé untu' Puwangnge. Ri essoéro harusu'ko pakangka addeppu-deppungeng untu' massompa sibawa dé' nawedding mappallaung.

MATIUS 12:2

Wettunna naita sining tau Farisiéro, makkedani mennang lao ri Yésus, “Itai! Ana'-ana' gurum-Mu majjalékkaiwi hukkunna agamata ri laleng napogau'na iya riyattéyangngé ri esso Saba'é.”

MARKUS 5:22

Poléni séddi tau iya riyasengngé Yairus. Séddiwi pamimpinna bola assompangngé ri kotaéro. Wettunna naita Yésus, suju'ni ri yolo-Na,

LUKAS 6:11

Iyakiya macai senna'i iyaro guru-guru agamaé sibawa sining tau Farisié, nappammulana barunding, aga wedding napogau' mennang lao ri Yésus.

LUKAS 6:7

Engka siyagangngaré guru agama sibawa tau Farisi maélo sappai asalanna Yésus, kuwammengngi weddingngi napparapekeng. Jaji matterui napénessai maéloiga pajjappai tauwé ri esso Saba'é.

LUKAS 8:41

Napoléna séddi tau, kapalana bola assompangngé ri onrongngéro. Asenna Yairus, suju'ni ri yolona Yésus naéllauwi sibawa masero kuwammengngi nalao Yésus ri bolana,

RIWAYA'NA RASUL-RASUL-E 13:15

Puranana nabaca Kitta'na Musa sibawa Kitta'na Nabi-nabié, iyaro sining pamimpinna bola assompangngé nasuroni tauwé makkutana lao ri Paulus sibawa sellao-sellaona, “Saudara-saudara, rékko engka pangajana saudara untu' sining tauwéwé, tapalettu'ni iyaro pangajaé.”

RIWAYA'NA RASUL-RASUL-E 18:17

Natikkenni mennang Sosténés, kapalana bola assompangngéro, nabarasa'i ri yolona mejang pengadilangngé. Iyakiya Galio dé' sises-siseng napaduliwi gau'éro.

RIWAYA'NA RASUL-RASUL-E 18:8

Iyakiya Krispus, kapalana iyaro bola assompangngé sibawa sininna kaluwargana mateppe'i lao ri Puwang Yésus. Na maégato tau Korintus laingngé méngkalingai biritta iya napalettu'é Paulus, namateppe'na mennang lao ri Yésus nainappa ricemmé.

ROMA 10:2

Baranika powadai makkedaé massumange' senna'i mennang massompa lao ri Allataala. Iyakiya sumange'na mennanro dé' natettong ri pangissengeng polé ri Allataala.

ULANGENG 5:13

Uwérékko enneng esso untu' mappallaung,