LUKAS 13:1 - KITTA KAREBA MADECENG

¹ Iyaro wettué engka tau curitangngi Yésus passalenna siyagangngaré tau Galiléa riyuno ri Pilatus, wettunna mennang makkasuwiyangeng akkarobangeng lao ri Allataala.

LUKAS 13:1 ပူးပေါင်းရင်းမြစ်များ

AWATINGENG 2:20

Puwang, itani sibawa pénessaini mennang iya Musissaéro! Engkaga pura Mugaukeng makkuwaro? Nanréi indo'é ana' riyaléna iya naéloriyé, riyunoi imangngé sibawa nabié ri Bola-Mu iya mapaccingngé.

MATIUS 27:1

Maélé senna'ni sininna kapala imangngé sibawa pamimpinna Yahudié mébbu apettung untu' mpunoi Yésus.

MATIUS 27:2

Nabalengguni Yésus, nanabbéréyangngi lao ri Pilatus, gubernurna pamarénta Roma.

RIWAYA'NA RASUL-RASUL-E 1:11

Nakkeda iya duwa tauwéro, “Eh sining tau Galiléaé, magi mutettong bawang kuwatu makkita ri langié? Yésus, iya muwitaé tarakka ménré ri surugaéro ri yolomu, maéloi lisu paimeng sibawa caraéttoro pada-pada muwitaé onna'.”

RIWAYA'NA RASUL-RASUL-E 2:7

Nakkedana mennang sibawa hérang enrengngé takkamennye, “Dé'ga na iyaé sining tau mabbicaraé iya manenna tau Galiléa?

RIWAYA'NA RASUL-RASUL-E 5:37

Purairo, wettunna engka abbilangeng, momposi Yudas, tau polé ri Galiléa. Nasaba pangarunna, maégato tau maccowériwi. Iyakiya riyuno towi, sibawa sininna ana'-ana' gurunna tassiya-siyani.