LUKAS 12:8 - KITTA KAREBA MADECENG

⁸ “Engngerangngi madécéd-décéng: Tau iya mangakué ri yolona tau maégaé makkedaé ana' guruk-Kui, riyangakui towi matu ri Ana'na Tolinoé ri yolona sining malaéka'na Allataala.

LUKAS 12:8 ပူးပေါင်းရင်းမြစ်များ

MAZMUR 119:46

Uwabbirittangngi matu peraturam-Mu lao risining arungngé, nadé' matu umasiri.

MATIUS 8:20

Nappébali Yésus, “Asu ale'é mappunnai liyang, sibawa manu'-manu'é mappunnai sarang, iyakiya Ana'na Tolinoé dé' nappunnai onrong léwu.”

LUKAS 15:10

Makkuwatoniro malaéka'na Allataala marennui rékko engka séddi tau maja toba' polé ri dosa-dosana. Ateppe'no!”

2 TIMOTIUS 2:12

Rékko tette'ki sabbara, mapparénta tokki matu silaong Aléna. Rékko riyassakkarengngi Aléna, Nassakkareng tokki matu.

1 YOHANES 2:23

Tau iya dé'é nangakuiwi Ana'é, bettuwanna dé'to natarimai Ambo'é. Sibawa tau iya mangakuiyéngngi Ana'é, bettuwanna natarima towi Ambo'é.

WAHYU 2:10

Aja' mumétau ri anrasa-rasang iya dé'énna namaitta naharusu' mupéneddingi. Engngerangngi, naputtama'i matu Ibillisi' sibagiyang polé ri iko ri laleng tarungkué untu' cobaiko. Manrasa-rasako matu seppulo esso ittana. Sitinajako matinulu lao ri Iyya gangka maté, na-Uwérékko matu atuwong tongengngé sibawa mannennungengngé selaku hadiya apakalang.

WAHYU 2:13

Uwisseng kégako monro, iyanaritu ri onronna Ibillisi' makkarung. Iko matinuluko ri Iyya. Mala wettunna Antipas, sabbik-Ku iya matinulué riyuno ri yolomu, ri markasna Ibillisi', dé' muwassakka makkedaé mateppe'ko ri Iyya.

1 SAMUEL 2:30

Iyya, Puwang Allataalana Israélié, pura majjanci riyolo, makkedaé kaluwargamu sibawa appammu tumaningika matu selaku imang untu' mannennungeng. Iyakiya makkekkuwangngé dé' Upuwéloi gau'éro! Saba' iya pakalebbiék-Ka, Upakalebbii matu iyakiya iya pakatunaék-Ka, Upakatunai matu.