LUKAS 12:56 - KITTA KAREBA MADECENG

⁵⁶ Mupoji mabbonga-bonga! Mullé pattujuiwi wettu bosié iyaré'ga pellaé ri laleng makkitamu ri langié sibawa ri linoé. Magi tanra-tanranna esso kiyame' dé' mulléi péttujuiwi?”

LUKAS 12:56 ပူးပေါင်းရင်းမြစ်များ

HAGAI 2:7

Upawéwang manengngi matu sininna bangsaé sibawa ritiwii matu waramparanna lao Kumaiyé, angkanna pennoi matu Bola-Ku sibawa asugirenna mennang.

MALEAKHI 3:1

Pappébalinna Puwang Iya Pommakuwasaé, “Ukiringngi matu suro-Ku untu' passadiyangek-Ka laleng. Na temmusenna-sennai Iyya, Puwang iya musappaé, laowi matu ri Bola-Ku. Suro-Ku iya muwuddaniyéro poléi matu sibawa mappallebbangengngi assijancik-Ku.”

MALEAKHI 4:2

Iyakiya untu' iko iya matinulué lao ri Iyya, akuwasak-Ku iya mappassalama'é mompoi matu pada-pada mata essoé, sibawa tappana mappapoléi ajjappang. Leppe'ko matu sibawa marennu pada-pada ana' saping iya nappaé massu polé ri wakkéé.

MATIUS 11:25

Iyaro wettué massempajanni Yésus, “Ambo', Puwang iya makuwasaiyéngngi langié sibawa linoé! Mattarima kasi'-Ka lao ri Iko saba' iya manennaro Murahasiyakangngi polé risining tau maccaé sibawa engkaé pangissengenna, iyakiya Muwappaitangngi lao risining tau dé'é namacca.

MATIUS 16:3

Na ri éléé, makkedako, ‘Maéloi bosi iyaé essoé, saba' macella langié sibawa massalawu.’ Nah, mulléi teppui wettué ri laleng muwitana langié, padahal tanra-tanranna esso ri monrié dé' mulléi teppui!”]

MATIUS 6:2

Jaji rékko mabbéréko sidekka ri tau kasiyasié, aja' mugora-gorangngi iyaro gau'é pada-pada iya napogau'é sining munapé'é. Napoji mennang pogau'i iyaro ri laleng bola assompangngé sibawa ri watattanaé, kuwammengngi naripoji ri tauwé. Engngerangngi purani mennang natarima sarona.

GALATIA 4:4

Iyakiya ri wettunna iya teppa'é, nasuroi Allataala Ana'-Na lao ri linoé. Iyaro Ana'-Na rijajiyangngi riséddié makkunrai sibawa tuwo ri yawana akuwasanna Hukkunna Agamaé.