LUKAS 12:5 - KITTA KAREBA MADECENG

⁵ Madécéngengngi Upaitakko niga harusu' muwétauri. Etauko ri Allataala! Saba' purana mabbuno, makuwasa towi buwangngi ri laleng ranakaé! Ateppe'no, Aléna ritu harusu' muwétauri.

LUKAS 12:5 ပူးပေါင်းရင်းမြစ်များ

MAZMUR 9:17

Purani nappannessang Aléna Puwangnge nasaba apettun-Na iya adélé'é. Tappasollai tau majaé ri pangkaukenna muto.

AMSAL 14:26

Tau iya métaué ri Puwangnge mancaji amangngi, sibawa kaluwargana mappunnai allinrungeng.

YEREMIA 10:7

Nigana dé' namaélo mateppe lao ri Iko, arunna sininna bangsaé? Tongeng, sipato senna'-Ko ripakalebbi. Polé ri sininna iya maccaé ri yelle'na bangsa-bangsaé sibawa polé ri sininna arung-ngarunna mennang, dé' muwi séddi wedding ripappadaiyangngi sibawa alé-Mu, oh Puwang.

YEREMIA 5:22

Iyya ritu Puwang; magi dé' mumétau lao ri Iyya? Harusu'ko métau lao ri iyya! Iyya ritu mébbui wiring tasi'é mancaji pakkasésénna tasi'é iya dé'é nawedding naliweng untu' mannennungeng. Weddingngi tasi'é mabbombang sibawa weddingngi majjallo bombangngé, iyakiya dé' naulléi malléttoiwi iyaro pakkaséséngngé.

MATIUS 10:28

Aja' mumétau lao ri mennang iya mpunoéngngi tubué, iyakiya dé' namakuwasa mpunoi nyawaé. Etauko ri Allataala iya makuwasaé pabbinasai tubué nenniya nyawaé ri laleng ranaka.

MATIUS 25:41

Nainappa makkeda matu iyaro Arungngé lao risining tauwé ri seddé abéyo-Na, ‘Addésu'no jahanam! Uttama'no ri laleng api iya dé'é nawedding peddé, iya puraé ripassadiya untu' Ibillisi' sibawa malaéka'-malaéka'na!

MATIUS 25:46

Narihukkung matu iyaro sining tauwé sibawa pahukkungeng mannennungengngé, nasining tau pogau'éngngi élona Allataala napéneddingiwi matu atuwong tongengngé sibawa mannennungengngé.”

MATIUS 5:22

Iyakiya makkekkuwangngé makkeda-Ka lao ri iko, nigi-nigi macai lao ri tau laingngé, riadélékiwi matu; sibawa nigi-nigi cella-cellai tau laingngé, riadélékiwi matu ri yolona Mahkamana Agamaé. Sibawa nigi-nigi makkeda ri tau laingngé, ‘Donggo’, sitinajai riyabbéyangngi ri laleng api ranakaé.

MARKUS 13:23

Jaji, atike'ko! Pura manenno Upowadang iyaro ri wettu dé'napa nakajajiyang gau'éro.”

1 TESALONIKA 4:6

Ri laleng gau' pada-padaéwé, aja' namuwi séddi tau pogau' asalang lao ri saudarana, iyaré'ga bengnguwangngi. Riyolo puraki' mabbirittangngi papparéngngerang iya matedde'é lao ri iko, makkedaé nahukkungngi matu Puwangngé sining tau iya pogau'éngngi sining asalang pada-padaéro.

IBRANI 10:31

Temmaka mappakatau-tauna rékko sempé'i ri limanna Allataala Iya Tuwoé!

2 PETRUS 2:4

Muwi malaéka'-malaéka' iya madosaé dé'to naleppessangngi Allataala leppe' polé ri pahukkungengngé, sangadinna ribuwang ri laleng ranakaé. Riputtama'i mennang ri laleng balorangngé iya makalemmengngé untu' ritahang kuwaro narapi Esso Pangadilangngé.

WAHYU 14:7

Iyaro malaéka'é gorai sibawa sadda battowaé, “Etauko ri Allataala, sibawa pojiwi arajan-Na! Saba' wettunna Allataala madélékiwi tolinoé. Sompai Aléna iya pancajiyéngngi langié, linoé, tasi'é sibawa sininna mata uwai.”

WAHYU 15:4

Nigana dé' namétau ri Idi, Puwang? Nigana dé' namaélo mabbirittangngi arajam-Mu? Iko bawang ritu mapaccing. Sininna bangsaé poléi matu sompa-Ko nasaba sining tindakam-Mu iya adélé'é purani naita sininna tauwé.”

WAHYU 20:14

Nainappa Amaténgngé sibawa Linona Amaténgngé riyaggenrungeng ri laleng tasi apié. (Iyaé tasi apié iyanaritu amaténg maduwaé.)