LUKAS 12:47 - KITTA KAREBA MADECENG

⁴⁷ Pattumani iya missengngéngngi élona puwanna, iyakiya dé' nasadiya-sadiya sibawa dé' napogau'i élona puwannaro, ribarasa'i matu sibawa maladde'.

LUKAS 12:47 ပူးပေါင်းရင်းမြစ်များ

YEHEZKIEL 9:6

Unoi sininna tau worowané sibawa makkunraié, macowa sibawa malolo, tomatowaé sibawa ana'-ana'é. Iyakiya aja' mugéssai muwi séddi tau iya engkaé tanrang ri linrona. Appammulano polé kuwaé, ri Bola-Kué.” Nanapammulaini tugasna mennang sibawa mpunoi sining pamimpinna Israélié iya mattengngangngé tettong ri Bolana Puwangnge.

LUKAS 12:41

Nakkutana Pétrus, “Puwang, Mupattujugi ri idi Puwang iyaro pappagguruwangngé iyaré'ga lao ri sininna tauwé?”

LUKAS 12:46

nanalisu matu puwanna ri esso sibawa wettu iya dé'é nasenna-sennai. Nariajara' tongeng matu iyaro pattumanié masero senna' ri puwanna enrengngé ripappada-padai totona sining tau iya dé'é namatinulu ri Allataala.

YOHANES 12:48

Tau iya sampéyangngék-Ka sibawa dé' naéngkalingai ada-adak-Ku, engkana madélékiwi. Ada-ada iya Upalettu'é, iyanaro matu madélékiwi ri Esso Kiyame'.

YOHANES 19:11

Nappébali Yésus, “Rékko Allataala dé' nabbéréyangngi iyaro akuwasangngé lao ri puwang, dé' sises-siseng puwang tappunnai akuwasang lao ri Iyya. Rimakkuwannanaro tau iya mabbéréyangngék-Ka lao ri puwang, lebbi battowai dosana naiya puwang.”

YOHANES 9:41

Nappébali Yésus, “Akkalarapanna butako, dé' mumadosa. Iyakiya saba' makkedako ‘Makkitaki’, bettuwanna iyaro madosa mupo.”

RIWAYA'NA RASUL-RASUL-E 17:30

Iyaro wettué nallupaini Allataala adonggotta, iyakiya makkekkuwangngé nasuro manengngi tauwé ri sininna linoé toba' polé ri dosa-dosana.

YAKOBUS 4:17

Rimakkuwannanaro, tau iya missengngéngngi aga iya makessingngé iya harusu'é napogau' iyakiya dé' napogau'i, madosai iyaro tauwé.