LUKAS 12:4 - KITTA KAREBA MADECENG

⁴ “Engngerangngi, sellao-sellao-Ku! Aja' mumétau lao ri mennang iya mpunoéngngi watakkalé iyakiya dé' naulléi mappogau' lebbi naiyaro.

LUKAS 12:4 ပူးပေါင်းရင်းမြစ်များ

AMSAL 29:25

Métau ri pallolongenna tauwé, addimonrinna asussang. Ateppe'no ri Puwangnge, namuamang matu.

ELONG MARAJA 5:1

Laoka ri palla'ku, anri, bottikku, upaddeppungengngi murku sibawa rampa-rampaku; uwanréi sarang wanikku sibawa cani'ku, uwénungngi dadi'ku sibawa uwai anggoro'ku. Manré ménunno, sellao-sellao, énunno gangka mabo' assicintang.

ELONG MARAJA 5:16

Macenning senna warékkadanna, sininna séuwa-séuwaé ri aléna pataré. Makkuwaniro canrikku sibawa sahaba'ku, éh ana'-ana'dara Yérusalém!

YESAYA 41:8

Iyakiya iko, Israélié, atak-Ku, umma upilé-Ku, iko wijanna Abraham, sellao-Ku.

YEREMIA 1:17

Sadiya-sadiyano Yérémia! Laono sibawa palettu'ni ri mennang, sininna iya Uwapparéntengngé ri iko. Aja' mumétau ri mennang, kuwammengngi aja' Uwébbuko lebbi métaupasi rékko siyolokko sibawa mennang.

YEREMIA 1:8

Aja' mumétau lao ri mennang, saba' Iyya sibawakko matu untu' linrungiko. Iyya, Puwang, pura mabbicara!”

YEHEZKIEL 2:6

Iyakiya iko, éh tolino dé'é namannennungeng, aja' mumétau lao risining parronta'éro, iyaré'ga lao ri muwi aga iya napowadaé mennang. Naéwako matu mennang sibawa napakatunako, angkanna samannako tuwo ri yelle'na dokkéngngé. Namuni makkuwaro, aja' mumétau.

MATIUS 10:28

Aja' mumétau lao ri mennang iya mpunoéngngi tubué, iyakiya dé' namakuwasa mpunoi nyawaé. Etauko ri Allataala iya makuwasaé pabbinasai tubué nenniya nyawaé ri laleng ranaka.

YOHANES 15:13

Tau iya kaminang mamaséiyéngngi sellao-sellaona iyanaritu tau iya mabbéréyangngi atuwonna untu' mennang.

RIWAYA'NA RASUL-RASUL-E 20:24

Iyakiya dé' upaduliwi atuwokku, assaleng uwullé muwi paccappui jamang iya nawéréngngékka Puwang Yésus sibawa assaleng matinulu muka lettu ri ajjalekku untu' mabbirittangngi Karéba Madécéngngéro passalenna pammaséna Allataala.

RIWAYA'NA RASUL-RASUL-E 4:13

Héranni iyaro anggota-anggotana Sidang Pengadilangngé mitai abaraningenna Pétrus sibawa Yohanés, apalagi naissengngi mennang makkedaé iya duwa rasul-éro iyanaritu tau biyasa iya dé'é gaga sikolana. Namainge'na mennang makkedaé iya duwa rasul-éro iyanaritu sining tau iya maccowériyéngngi Yésus.

FILIPI 1:28

Sitinajako tuli barani; aja' mumétau lao risining balimmu. Nanallalengiro muwappaitangngi makkedaé caui matu mennang, na iko pacau matu, nasaba aléna Allataala ritu iya mabbéré apakalang lao ri iko.

YAKOBUS 2:23

Iyaro sicoco'i sibawa aya'na Kitta'éwé, “Mateppe'i Abraham ri Allataala, nasaba teppe'naro natarimai Allataala selaku tau iya pogau'éngngi élona Allataala.” Iyanaro saba'na Abraham nariteppu, “Sahaba'na Allataala.”

1 PETRUS 3:14

Iyakiya namuni harusu'ko manrasa-rasa nasaba pogau'i gau'-gau' iya makessingngé, untu'ko! Aja' mumétau muwi lao ri niga, sibawa aja' mubata-bata.

WAHYU 2:10

Aja' mumétau ri anrasa-rasang iya dé'énna namaitta naharusu' mupéneddingi. Engngerangngi, naputtama'i matu Ibillisi' sibagiyang polé ri iko ri laleng tarungkué untu' cobaiko. Manrasa-rasako matu seppulo esso ittana. Sitinajako matinulu lao ri Iyya gangka maté, na-Uwérékko matu atuwong tongengngé sibawa mannennungengngé selaku hadiya apakalang.