LUKAS 12:2 - KITTA KAREBA MADECENG

² Dé'gaga tassubbu dé' napaita matu, sibawa dé'gaga rirahasiyakang iya dé'é naribongkara' matu.

LUKAS 12:2 ပူးပေါင်းရင်းမြစ်များ

PAKKATOBBA 12:14

Naadélékiwi matu Allataala sininna pangkauketta; iya makessingngé sibawa majaé, mala iya tassubbuétto.

YEREMIA 16:17

Uwita sininna iya napogau'é mennang. Dé'gaga tassubbu ri alé-Ku; muwi dosa-dosana mennang pura toni Uwita.

HOSEA 8:13

Napoji mennang makkasuwiyangeng akkarobangeng lao ri Iyya, sibawa manréi juku akkarobangengngéro, iyakiya Iyya Puwang, dé' Umasennang sibawa sining akkarobangengngéro. Makkekkuwangngé maélo-Ka méngngerangngi dosana sibawa hukkungngi mennang nasaba dosa-dosaéro; Ukiringngi matu mennang lisu ri Maséré!

MARKUS 4:22

Dé'gaga anu tassubbu iya dé'é napaita matu, sibawa dé'gaga iya rirahasiyakangngé dé' naribongkara' matu.

LUKAS 8:17

Dé'gaga tassubbu dé' napaita matu; sibawa dé'gaga rirahasiyakang dé' naribongkara' sibawa riisseng matu.

ROMA 2:16

Makkuwaniro kajajiyangngé matti ri Esso puraé ripattenturo. Iyaro Essoé – manuru' Karéba Madécéng iya uwabbirittangngé – Allataala naolai Yésus Kristus, madélékiwi matu rahasiyana atié sibawa pikkiranna sininna tauwé.

1 KORINTUS 4:5

Rimakkuwannanaro, nasaba dé'pa na wettunna, aja' mumasitta pattentui makkedaé séddié tau pasalai iyaré'ga dé'. Tajengngi narapi Puwangngé polé matti. Aléna ritu bukkai matu sininna rahasiya iya tassubbué ri laleng pettangngé. Aléna ritu matu bongkara'i sininna niya' iya radde'é ri laleng atinna rupa tauwé. Ri wettuénnaro nappa tungke' tau tarimai polé ri Allataala pappoji iya sitinajaé natarima.

2 KORINTUS 5:10

Saba' pasti idi maneng ripangoloki matu ri yolona angadélékenna Kristus, na tungke'-tungke' matu lolongengngi pamale' iya siratangngé sibawa pangkaukenna ri linoéwé – pangkaukeng makessing iyaré'ga maja.