LUKAS 12:11 - KITTA KAREBA MADECENG

¹¹ Rékko ritiwiko risining bola assompangngé untu' riadéléki ri yolona pamaréntaé iyaré'ga tomakuwasaé, aja' mubata-bata passalenna pékkugiko harusu' méwaiwi alému iyaré'ga passalenna aga harusu' mupowada.

LUKAS 12:11 ပူးပေါင်းရင်းမြစ်များ

ASSURENG 4:12

Makkekkuwangngé, laono, utulukko matu mabbicara sibawa pagguruko aga iya harusu'é mupowada.”

MATIUS 23:34

Engkalingai madécéd-décéng: Maélo-Ka kiringngi lao ri iko nabi-nabié, sining tau maccaé sibawa guru-gurué; sibagiyanna mennang muwunoi matu, na sibagiyanna laingngé musallii. Engka matu mupanrasa-rasa ri laleng sining bola assompangngé, sibawa mulellungngi polé riséddié kota lao ri kota laingngé.

MATIUS 6:25

Rimakkuwannanaro éngngerangngi; aja' mubata-bata passalenna atuwommu, iyanaritu aga maélo muwanré sibawa muwénung, iyaré'ga aga maélo mupaké. Dé'ga atuwongngé lebbiwi naiya anré, sibawa watakkalé lebbiwi naiya pakéyangngé?

MATIUS 6:27

Nigana polé ri iko ri laleng abata-batangngé mulléi palampéiriwi umuru'na muwi céddé?

MATIUS 6:28

Magi mubata-bata passalenna pakéyammu? Pénessaiwi bunga-bunga bakungngé iya tuwoé ri padangngé. Iyaro bunga-bungaé dé' najjama sibawa dé'to natennung;

MATIUS 6:31

Aja' mubata-bata sibawa makkeda, ‘Aga matu riyanré’, iyaré'ga, ‘Aga matu riyénung’, iyaré'ga, ‘Aga matu ripaké’?

MATIUS 6:34

Rimakkuwannanaro, aja' mubata-bata passalenna esso bajaé. Saba' baja engka muto abata-batanna. Iyaé essoé genne'ni asussanna, dé'na naparellu mutambai.”

LUKAS 12:22

Nakkeda Yésus lao ri ana'-ana' gurun-Na, “Iyanaro saba'na Uwakkeda, ‘Aja' mubata-bata passalenna atuwommu, iyanaritu aga iya maéloé muwanré, iyaré'ga iya maéloé mupaké.’