LUKAS 11:40 - KITTA KAREBA MADECENG

⁴⁰ Madonggoko! Tenniyaga Allataala mébbui iyaro saliwengngé, pura mébbu towi ri lalengngé?

LUKAS 11:40 ပူးပေါင်းရင်းမြစ်များ

KAJAJIYANG 1:26

Nanakkeda Allataala, “Makkekkuwangngé maéloki mébbui rupatauwé iya mancajiyé matu pada-pada Idi sibawa sinrupa Idi. Makuwasai matu mennang risining balé, manu'-manu'é, sibawa sininna olokolo laingngé, muwi makacuwa iyaré'ga maliya, muwi battowa iyaré'ga baiccu.”

KAJAJIYANG 2:7

Nainappa malani Puwang Allataala céddé tana, nanaébbui séddi tau tolinoé, nainappa nasseppungeng nappase iya mabbéré atuwong ri laleng sebbo inge'na; natuwona iyaro tolinoé.

MAZMUR 14:1

Untu' pamimping kor. Mazmurna Daud. Makkedai tau madonggoé ri laleng ati, “Dé' gaga Allataala.” Pangkaukenna mennang maja sibawa matuna dé' gaga pogau'i makessingngé.

MAZMUR 33:15

Aléna ritu mébbui atinna mennang, sibawa missengngi sininna pangkaukenna mennang.

AMSAL 1:22

“Eh sining tau donggoé! Gangka kégiko maélo tette makkuwaro? Uppanna narapi wettunna mappésauko pakariyawai pangissengengngé sibawa sampéyangngi pappagguruwangngé?

AMSAL 8:5

Iko dé'éppa pangalamammu, agguruko mappunnai pikkirang iya matarengngé; iko iya madonggoé, agguruno mancaji mainge.

YEREMIA 5:21

“Engkalingai, éh iko tau madonggoé sibawa madongo'é! Mappunnaiko mata iyakiya dé' muwakkita, mappunnaiko daucculing iyakiya dé' muwaréngkalinga!

ZAKHARIA 12:1

Iyanaé pasenna Puwangnge passalenna Israélié. Puwang iya pallebba'éngngi langié, pancajiwi linoé enrengngé mabbéré atuwong lao ri tolinoé, makkeda,

ABBILANGENG 16:22

Iyakiya Musa sibawa Harun suju'i massompa sibawa makkeda, “Oh Allataala, idi ritu iya mabbéré atuwong lao ri sininna iya tuwoé. Rékko banna séddi bawang iya madosaé, macaiki'ga lao ri sininna umma'é?”

MATIUS 23:17

Iko sining tau donggo iya butaé! Kéga lebbi penting, ulawenna iyaré'ga Bolana Puwangngé iya pancajiyéngngi ulawengngéro mapaccing?

MATIUS 23:26

Eh tau Farisi iya butaé! Bissaiwi riyolo' mapaccing-paccing bagiyang ri lalenna mangko'-mangko'mu sibawa sining pennému, kuwammengngi namapaccitto bagiyang saliwenna!

LUKAS 12:20

Iyakiya makkedai Allataala lao ri tauwéro, ‘Eh donggo! Iyato wennié mumaté matu, na nigana matu lolongengngi sininna asugireng iya puraé mupaddeppungengngi alému?’

LUKAS 24:25

Nakkeda Yésus lao ri mennang, “Mémeng madonggoko! Matengnge senna'ko matepperiwi sininna iya puraé napowada nabi-nabié!

1 KORINTUS 15:36

Donggo paha! Rékko tanengngi Saudara biné ri laleng tanaé, iyaro biné dé' namaélo tuwo, rékko iyaro biné dé' namaté riyolo.

IBRANI 12:9

Mappunnaiki ambo' ri linoé. Napagguruki, na idi pakalebbii. Nah, apalagi Ambo' rohanitta iya risurugaé, tentu harusu'ki lebbi tunru' ri Aléna kuwammengngi tatuwo.