LUKAS 11:39 - KITTA KAREBA MADECENG

³⁹ Rimakkuwannanaro makkedani Puwang Yésus ri tau Farisiéro, “Mémeng iko sining tau Farisié biyasana mupaccingiwi mangko'é sibawa penné ri saliwenna bawang, iyakiya ri laleng alému penno sibawa apéddarang enrengngé ja.

LUKAS 11:39 ပူးပေါင်းရင်းမြစ်များ

KAJAJIYANG 6:5

Naitani Puwangnge pékkugi jana sining tauwé ri linoé; sininna pikkiranna mennang tuli majai.

2 TAWARIKH 25:2

Napogau'i Amazia iya pésennangiyéngngi atinna Puwangnge, iyakiya sitengnga atimi.

MAZMUR 22:13

Pada-pada banténg makkonrongngé, nakatulukka balié, pada-pada banténg liya polé ri Basan nakeppukka mennang.

AMSAL 26:23

Padai oring tanaé riseppu sibawa péra', makkuwaniro tau iya macenningngé ri témunna, iyakiya maja atinna.

AMSAL 26:25

Namuni mabessai, aja' mumateppe; nasaba paccéccé makuwasaiwi atinna.

AMSAL 30:12

Engka tau iya mangga'éngngi aléna mapaccing padahal macarépa senna'i.

YEREMIA 4:14

Yérusalém, abbéyangngi jaé polé ri laleng atimmu kuwammengngi naripassalama'ko. Gangka kégi iyaro sining pikkirang majaé maélo mutaro ri laleng atimmu?

YEHEZKIEL 22:25

Sining pamimpinna pada-padai singa iya mangngaungngé puranana natikkeng anréna. Naunoi mennang ra'ya'é, narampasa manengngi sininna waramparangngé sibawa asugireng iya naruntu'é mennang sibawa nassabariwi namaéga makkunrai mancaji janda.

YEHEZKIEL 22:27

Pajaba-pajaba pamaréntana pada-padai serigala iya sapé-sapé'éngngi anréna. Mabbunoi mennang banna untu' sappa asarong.

ZEFANYA 3:3

Sining tomarajana kotaéro padai singa iya mangngaungngé. Sining hakinna padai serigala iya malupué; mangowa senna angkanna muwi séddi buku dé'to gaga nasalai untu' bajana.

MATIUS 15:19

Saba' nawa-nawa majaé mompoi polé ri atié, iya nassabariyé tauwé mabbuno, malaweng, kédo maja, ménnau, mabbéré sabbi bellé-bellé sibawa mappétenna.

MATIUS 7:15

“Atike'ko lao ri nabi-nabi palsué. Poléi matu mennang ri iko sibawa mallarikkodo bimbala', iyakiya sitongenna mennang pada-padai asu ale' masekkangngé.

LUKAS 16:15

Iyakiya makkedai Yésus lao ri mennang, “Ikona ritu tau iya tongengngé rita ri yolona tau laingngé, iyakiya naissengngi Allataala lise' atimmu. Saba' aga naseng matanré rupa tauwé, naita mariyawai Allataala.

LUKAS 7:13

Wettunna Puwang Yésus naita iyaro makkunraié, messéni lao ri makkunraiéro nanakkeda, “Aja' muteri, Indo!”

LUKAS 7:19

nanasuroi lao ri Puwang Yésus makkutana, “Bapa'ga tau iya maéloé polé situru jancinna Allataala, iyaré'ga harusu'ki mattajeng séddi tau laing?”

YOHANES 12:6

Makkeda makkuwairo Yudas tenniya nasaba najampangiwi tau kasiyasié, iyakiya nasaba pangai. Biyasai mala dowi polé ri kas-é iya ritaroé ri aléna.

YOHANES 13:2

Yésus sibawa ana'-ana' gurun-Na mattengngang manré wenni. Purani naputtama' Ibillisi'é ri laleng atinna Yudas ana'na Simon Iskariot niya' untu' bali'bellariwi Yésus.

RIWAYA'NA RASUL-RASUL-E 5:3

Nakkeda Pétrus lao ri aléna, “Ananias, magi muleppessangngi Ibillisi'é makuwasaiwi atimmu, angkanna mabbelléko lao ri Rohna Allataala, namuwammekko-mekkorengngi taroi saisa' dowi ellinna tanaéro?

GALATIA 1:14

Ri laleng pajoppai agama Yahudié, upakacauriwi maégangngéngngi tau Yahudi iya uwéwaé sippangka. Masumange' senna'ka ri laleng gau'-gau' passalenna ade'na néné-nénéta.

2 TIMOTIUS 3:5

Namuni secara mallahéreng, mapatoi mennang pajoppai kewajibanna agamaé, iyakiya nasampéyangngi iya poko'é ri laleng agamaéro. Abélaiwi sining tau makkuwaéro.

TITUS 1:15

Sininna séuwa-séuwaé mapaccing lao risining tau iya mapaccingngé. Iyakiya lao risining tau iya macarépaé pikkiranna sibawa iya dé'é namateppe', dé' muwi séddi iya mapaccingngé, saba' pikkirang sibawa atinna mennang macarépani!

YAKOBUS 4:8

Addeppériwi Allataala, nanaddeppéri tokko matu Allataala. Paccingiwi limammu, iko iya madosaé! Sibawa cinnongiwi atimmu, iko iya mappakka atié!