LUKAS 11:32 - KITTA KAREBA MADECENG

³² Ri Esso Kiyame', tuwoi matu pabbanuwana Niniwé silaong sining tauwé makkekkuwangngé, sibawa teppui mennang, saba' iyaro tau Niniwé toba'ni polé ri dosa-dosana wettunna Yunus makkatobba lao ri mennang. Iyakiya makkekkuwangngé kuwaé engka iya lebbi battowaé naiya Yunus!”

LUKAS 11:32 ပူးပေါင်းရင်းမြစ်များ

YUNUS 3:4

Nauttamakini Yunus kotaéro na puranana joppa puppu esso, mappammulani makkatobba, adanna, “Patappulopi essona, nariyancuru matu Niniwé!”

YUNUS 3:5

Mateppe'ni pabbanuwana Niniwé ri pasenna Allataalaro. Napettuini sininna ra'ya'é untu' mappuwasa, sibawa sininna tauwé, battowa iyaré'ga baiccu, pakéi kaing karung untu' mappaitangngi makkedaé nasesse'i mennang dosa-dosana.

YUNUS 4:9

Iyakiya makkedai Allataala lao ri aléna, “Dé' nasipato'ko messé makkuwaro nasaba iyaro tanet-tanengngé!” Nappébali Yunus, “Magi na dé'? Sipato'ka mancaji macai senna gangka maté.”

MATIUS 12:39

Nappébali Yésus, “Temmaka jana sibawa dorakana sining tauwé wettuéwé! Muwéllau-Ka mébbu anu makalallaing? Dé' matu nariwérékko anu makalallaing, muwi séddi, sangadinna anu makalallainna Nabi Yunus.

MATIUS 12:41

Ri Esso Kiyame', moto'i matu pabbanuwana Niniwé silaong sining tauwé makkekkuwangngéwé nanatenre'i mennang. Saba' toba'ni tau Niniwé polé ri dosana, wettunna Yunus makkatobba lao ri mennang. Iyakiya makkekkuwangngé kuwaé engka lebbi battowa naiya Yunus!

LUKAS 11:31

Ri Esso Kiyame', Arung makkunrainna wanuwa ri Yattang moto'i matu silaong sining tauwé wettuéwé, nanateppui mennang. Saba' untu' méngkalingai pappagguruwanna Salomo iya maccaé, iyaro Arung makkunraié mallalengngi mabéla senna' polé ri cappa'na linoé. Iyakiya kuwaé makkekkuwangngé engka iya lebbi battowaé naiya Salomo!

IBRANI 7:26

Jaji, Yésusnaro ritu Imang Lompo iya tapparelluwangngé. Mapaccingngi: ri Aléna dé'gaga asalang iyaré'ga muwi dosa aga. Ripallaingngi polé risining tau madosaé, sibawa ripaénré'i lettu ri onrong iya lebbi matanré polé ri sininna langié.