LUKAS 11:31 - KITTA KAREBA MADECENG

³¹ Ri Esso Kiyame', Arung makkunrainna wanuwa ri Yattang moto'i matu silaong sining tauwé wettuéwé, nanateppui mennang. Saba' untu' méngkalingai pappagguruwanna Salomo iya maccaé, iyaro Arung makkunraié mallalengngi mabéla senna' polé ri cappa'na linoé. Iyakiya kuwaé makkekkuwangngé engka iya lebbi battowaé naiya Salomo!

LUKAS 11:31 ပူးပေါင်းရင်းမြစ်များ

2 TAWARIKH 9:1

Naéngkalingani ratu wanuwa Syéba passalenna ataromporenna Salomo. Nalaona ri Yérusalém untu' mojiwi Salomo sibawa pakkutana iya mawatangngé. Poléi nasibawang maéga pattinro sibawa unta iya sara'é mattéké rampa-rampa, batu paramata, sibawa maéga senna ulaweng. Wettunna siruntu Salomo, makkutanani iyaro ratué sakkerupa pakkutana iya naullé pikkiri.

YESAYA 54:17

Iyakiya tungke senjata iya rilanroé untu' méwako, dé' namallolongeng matu. Sibawa tungke nattenrekengngé ri laleng pengadilangngé mupabuttiwi matu sala. Uhadiyakangngi matu apakalangngé lao risining atak-Ku,” makkuwaniro adanna Puwangnge.

YEREMIA 3:11

Nainappa napaissengika Puwangnge makkedaé namuni Israélié purani nabbokori Aléna, iyakiya annessana Israélié lebbi kessing muwi naiya Yéhuda iya dé'é namatinuluro.

MATIUS 12:42

Ri Esso Kiyame', tokkongngi matu ratu polé ri wanuwa yattangngé silaong sining tauwé makkekkuwangngé nanatenre'i mennang. Saba' untu' méngkalingai pangajana Salomo iya mapanré, iyaro ratué joppai mabéla senna polé ri cappa'na linoé. Iyakiya makkekkuwangngé kuwaé engka lebbi battowa naiya Salomo!”

LUKAS 3:22

na Rohna Allataala nonnoni ri yasé'-Na sinrupa jangang-jangangngé. Nanaéngkalingai saddanna Allataala makkeda, “Ikona Ana'-Ku iya Uwamaséiyé. Mupésennangi atik-Ku.”

LUKAS 9:35

Na polé ri ellungngéro, naéngkalingai saddaé makkeda, “Iyanaé Ana'-Ku iya Upilé. Engkalingai Aléna!”

ROMA 2:27

Nasining tau iya dé'é narisunna'ro napassalai matu tau Yahudié, saba' mappunnaiwi Saudara hukkung agama Yahudi sibawa risunna'na Saudara, iyakiya muwajjalékkaiwi hukkung-hukkungngéro. Dé' narisunna' mennang, iyakiya mala mennang ritu iya turusiyéngngi hukkunna agama Yahudié.

IBRANI 11:7

Nasaba mateppe'i, naripaissengi Nuh ri Allataala passalenna gau'-gau' iya maéloé kajajiyang ri mangoloé, iya dé'é naulléi mitai. Matinului Nuh ri Allataala angkanna mébbui séddi kappala iya passalama'éngngi aléna silaong kaluwargana. Nanallalengiro rihukkungngi linoé, sedangkang Nuh ripannessai ri Allataala selaku tau iya makessingngé nasaba teppe'na.