LUKAS 11:29 - KITTA KAREBA MADECENG

²⁹ Wettunna sining tauwé mattulilingiwi Yésus, napatteruni bicaran-Na, adan-Na, “Temmaka jana sining tauwé wettuéwé. Méllauwi mennang anu makalallaingngé, iyakiya dé' nariwéréng matu mennang muwi séddi anu makalallaing, sangadinna anu makalallainna Nabi Yunus.

LUKAS 11:29 ပူးပေါင်းရင်းမြစ်များ

YEHEZKIEL 24:24

Na iyya, Yéhézkiél mancaji matu conto untu' alému; mupogau'i matu pada-pada iya upogau'é makkekkungngéwé. Napowadai Puwangnge makkedaé narékko kajajiyangngi gau'éro, muwissengngi matu makkedaé Aléna ritu Puwang Iya Pommatanré.”

YUNUS 1:1

Ri séuwaé esso, mabbicarai Puwangnge lao ri Yunus, ana' Amitai.

MATIUS 3:7

Maégato tau Farisi sibawa Saduki lao ri Yohanés untu' ricemmé. Iyakiya wettunna mennang naita polé, makkedani lao ri mennang, “Tau majako iko! Niga powadai makkedaé weddikko leppe' polé ri pahukkungenna Allataala iya maéloé polé?

MARKUS 8:38

Rékko séddié tau masiri mangakui-Ka sibawa pappagguruwak-Ku ri wettu madorakaé sibawa majaéwé, Ana'na Tolinoé masiri towi mangakuiwi iyaro tauwé, ri wettu poléna matu sibawa akuwasanna Ambo'-Na, nasibawang malaéka'-malaéka' mapaccingngé.”

LUKAS 11:16

Engkato tau laing iya maéloé palaiwi siyo Yésus, méllauwi mennang séuwa anu makalallaing selaku tanrang makkedaé poléi ri Allataala.

LUKAS 11:50

Napogau'i Allataala iyaro kuwammengngi narihukkung sining tauwé wettuéwé nasaba abbunowang iya napogau'é lao ri sininna nabié sipongenna ripancaji linoé,

LUKAS 12:1

Massebbu-sebbu tau siredde-redde angkanna engka riléjja-léjja ajéna. Ri wettu makkapulunna mupa iyaro tauwé, makkedani Yésus lao ri ana'-ana' gurun-Na, “Atutuko lao ri raginna tau Farisié, akkatta-Ku, amunapékenna mennang.

LUKAS 9:41

Nappébali Yésus, “Tenniya culé-culé ikoé! Lao sala tongekko iko sibawa dé' mumateppe! Gangka kégi harusu'ka monro sibawakko sibawa sabbara' lao ri iko? Tiwii iyaro ana'mu kumaiyé!”

YOHANES 2:18

Nasining panguwasana Yahudié naéwani Yésus, adanna mennang, “Cobasai mébbu anu makalallaingngé selaku tanrang lao ri idi makkedaé engka ha'-Mu tinda' pada-padaéwé.”

YOHANES 6:30

Nakkeda mennang, “Rékko makkuwaitu butti aga wedding nabbéréyang Bapa' kuwammengngi nariita sibawa mateppe'ki lao ri Bapa'? Aga maélo napogau' Bapa'?

YOHANES 8:44

Ibillisi' ritu ambo'mu. Pammulanna mupa na iyaro Ibillisi' pabbuno. Dé' naengka naccowé ri atongengengngé, saba' dé' atongengeng ri aléna. Rékko mabbelléi, mémeng sitinaja, saba' makkuwa mémenro sipa'na. Pabbelléngngi sibawa assalenna sininna bellé.

1 KORINTUS 1:22

Natuntu'i tau Yahudié anu makalallaingngé selaku butti, sibawa tau Yunanié napentingkangngi apanrénna linoéwé.