LUKAS 11:26 - KITTA KAREBA MADECENG

²⁶ Nainappa lao sibawa tiwi pitu roh laing iya lebbi majaé polé ri aléna. Nainappa muttama' mennang ri laleng tauwéro naonro kuwaro. Angkanna atuwo-tuwonna iyaro tauwé lebbi majapi naiya pammulanna.”

LUKAS 11:26 ပူးပေါင်းရင်းမြစ်များ

ZEFANYA 1:6

Upaccappui matu mennang iya dé'é nalao ri Iyya iyaré'ga méllauwi pappimpik-Ku sibawa iya salaiyék-Ka na dé' namaélona maccowéri-Ka.”

MATIUS 12:45

Nalaona sibawa tiwi pitu roh laing iya lebbi majaé naiya aléna. Nainappa muttama' ri lalenna tauwéro, naonro kuwaro. Na angkanna keadaanna iyaro tauwé lebbi majani naiya pammulanna. Iyatonaro kajajiyang matu sibawa sining tau majaé wettuéwé.”

MATIUS 23:15

Cilakano iko guru-guru agamaé sibawa sining tau Farisié! Mupoji mabbonga-bonga! Laoko mabéla limbang tasi', sibawa sollériwi pottanangngé banna untu' puttama'i séddié tau ri agamamu. Namuttama'nana iyaro tauwé ri agamamu, muwébbui mennang calonna ranakaé iya wékkaduwaé lebbi maja naiya iko!

LUKAS 11:25

Wettunna lettu kuwaro, napoléini iyaro bolaé mapaccing sibawa taratoro'.

LUKAS 11:27

Puranana Yésus makkeda makkuwaro, engka séddi makkunrai polé ri yelle'na tau maégaéro makkeda lao ri Yésus, “Masennang tongeng makkunrai iya jajiyangngék-Ko sibawa pasusuék-Ko!”

YOHANES 5:14

Nainappa Yésus siruntu iyaro tauwé ri laleng Bolana Puwangngé, nakkeda lao ri tauwéro, “Makkekkuwangngé majjappano. Aja'na mumadosasi, kuwammengngi aja' mupéneddingiwi iya lebbi majaé.”

1 YOHANES 5:16

Rékko muwitai sala séddinna pada-padammu tau Kristéng pogau' dosa iya dé'é nassabariwi ateddéngeng atuwong tongengngé sibawa mannennungengngé, sitinajako massempajang lao ri Allataala; na Allataala mabbéréyangngi matu iyaro atuwongngé lao ri aléna. Iyaé nakennai mennang iya dosanaé dé' nassabariwi mennang ateddéngeng iyaro atuwongngé. Iyakiya engka dosa iya nassabariyé naateddéngeng tauwé iyaro atuwongngé. Passalenna iyaro gau'é dé' uwakkeda makkedaé harusu'ko massempajang lao ri Allataala.