LUKAS 11:20 - KITTA KAREBA MADECENG

²⁰ Iyakiya Iyya, Upaddésu'i sétangngé sibawa akuwasanna Allataala, na bettuwanna iyaro iyanaritu mappammulai Allataala mapparénta ri tengnga-tengngamu.

LUKAS 11:20 ပူးပေါင်းရင်းမြစ်များ

ASSURENG 8:19

angkanna sining ahli passéhéré'éro makkeda lao ri arungngé, “Iyaé pangkaukenna Allataala.” Iyakiya iyaro arungngé matedde atiwi, napada-pada iya pura napowadaé Puwangnge, iyaro arungngé dé' namaélo bati-batiwi ada-adanna Musa sibawa Harun.

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

MATIUS 12:28

Iyakiya Iyya Upaddésu'i sétangngé sibawa akuwasanna Rohna Allataala. Bettuwanna iyaro makkedaé mappammulani Allataala mapparénta ri tengnga-tengngamu.

MATIUS 3:2

Adanna, “Toba'no polé ri dosa-dosamu, saba' dé'na namaitta napparénta matu Allataala selaku Arung!”

MATIUS 4:24

Iyaro karébaé passalenna Yésus mallebbanni risininna wanuwa Siria, angkanna maéga tau lao ri Aléna. Natiwii mennang sining tau iya nakennaé maddupa-rupang lasa, sibawa maddupa-rupangngé asussang: sining tau atama-tamangngé roh maja, malasa maté manu'-manu'é, sibawa iya péso'é napajjappa manengngi Yésus.

LUKAS 10:11

‘Muwi awu kotamu iya engkaé maddekké ri ajéta riyakkeppiketto selaku papparéngngerang lao ri iko. Iyakiya issengngi makkedaé macawé'ni wettunna Allataala mappummula mapparénta selaku Arung ri tengnga-tengngamu!’

LUKAS 10:9

Pajjappai sining tau iya malasaé ri kotaéro, sibawa birittangngi sining tauwé kuwaro, ‘Dé'na namaitta nappammula matu Allataala mapparénta selaku Arung ri tengnga-tengngamu.’

LUKAS 11:21

Rékko séddié tau mawatang, massenjata sakke'i jagaiwi bolana, salama' manengngi matu appunnangenna.

RIWAYA'NA RASUL-RASUL-E 20:25

Pura manenno Saudara-saudara ulaowi sibawa pura toni ubirittangekko passalenna pékkugi Allataala mapparénta selaku Arung. Upérasaini makkekkuwangngé dé'na tasiruntu'na matti paimeng Saudara-saudara.

2 TESALONIKA 1:5

Purai mupéneddingi anrasa-rasangngé nasaba Lino Baruna Allataala, nariyangga'ko matu sitinaja muttama ri lalenna. Kuwaniyé manessa pékkugi adélé'na apettunna Allataala.