LUKAS 11:2 - KITTA KAREBA MADECENG

² Nakkeda Yésus lao ri mennang, “Rékko massempajakko, powadai makkuwaéwé, ‘Ambo', Iko ritu Allataala iya Séuwaé. Tennapodo risompa-Ko sibawa ripakalebbi.

LUKAS 11:2 ပူးပေါင်းရင်းမြစ်များ

1 ARUNG-NGARUNG 8:43

tennapodo polé ri onrom-Mu ri surugaé Muwéngkalingai sempajanna sibawa tarimai paréllaunna. Nanallalengiwi sininna bangsaé ri sininna linoé naissek-Ko sibawa mapatoi lao ri Iko pada-pada umma'-Mu Israélié. Naissengngi matu mennang makkedaé bola iya upatettongngéwé iyanaritu onrong untu' massompa lao ri Iko.

2 ARUNG-NGARUNG 19:19

Oh Puwang, Allataalata, leppessakki polé risining tau Asyur-éro, kuwammengngi naissengngi sininna bangsaé ri linoé makkedaé banna Iko alé-aléna Allataala.”

2 TAWARIKH 20:6

namassempajang sibawa sadda battowa, “Oh Puwang, Allataalana toriyolota! Iko Allataala ri surugaé sibawa mapparénta ri yasé'na sininna bangsaé ri linoé. Makuwasako sibawa mawatang; dé' muwi séddi tau mulléi méwa-Ko.

MAZMUR 103:20

Pojiwi Puwangnge, éh sining malaéka'-Na iya poré, iya méngkalingaéngngi sibawa pogau'i parénta-Na.

MAZMUR 108:5

Saba' maloppoi pammasé-Mu lettu ri langié sibawa atinulurem-Mu lettu'i ri ellungngé.

MAZMUR 11:4

Engkai Puwangnge ri Bola-Na iya mapaccingngé, kadéra akkarungen-Na engkai ri surugaé. Najagaiwi rupa tauwé sibawa missengngi sininna pangkaukenna mennang.

MAZMUR 57:11

Saba' battowa pammasé-Mu lettu ri langié, sibawa atinulurem-Mu lettu ri ellungngé.

PAKKATOBBA 5:2

Pédé manenneng, pédé battowa akkulléna lolongeng nippi maja. Pédé maéga bicara pédé battowa akkulléna passu ada-ada madonggo.

YESAYA 63:16

Tenniyaga Iko Ambo'ta? Abraham sibawa Yakub dé' naissekki. Iyakiya Idi oh Puwang, iyanaritu Ambo'ta, Pappassalama'ta riyolopa nariyolo.

YEHEZKIEL 36:23

Uwappaitangngi matu apaccingenna asek-Ku iya battowaéro, aseng iya puraé mucarépai ri tengngana bangsa-bangsaé, nanaissenni mennang makkedaé Iyya Puwang. Iyya, Puwang Iya Pommatanré pura mabbicara. Upakéko matu untu' mappaitangngi lao ri bangsa-bangsaé makkedaé mapaccik-Ka Iyya'é, Puwang Iya Posséuwaé.

DANIEL 2:28

Iyakiya ri surugaé engka Allataala iya timpa'éngngi sininna rahasiyaé, na Aléna pura paissengiwi Puwakku aga iya kajajiyangngé matu ri esso ri munri. Makkekkuwangngé, palaloni atatta pakatajangngi nippi sibawa pakkitang iya natarimaé Puwakku wettunna matinroro.

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

DANIEL 7:18

Iyakiya umma'na Allataala Iya Pommatanré tarimai matu ha' untu' mapparénta na apparéntanna mattahangngi matu lettu mannennungeng.”

DANIEL 7:27

Akuwasang nenniya arajanna sininna akkarungengngé ri linoé nabbéréyangngi matu lao ri umma'na Allataala Iya Pommatanré. Akuwasan-Na mennang untu' mapparénta dé' matu naccappa sibawa sininna panguwasaé ri linoé mattumaniwi matu mennang sibawa mapato.”

HOSEA 14:2

Lisuno ri Puwang Allataalamu, éh bangsa Israélié! Dosamu pura nallalengiko tappasolla sibawa menrung.

ANGIMANGENG 10:3

Namakkeda Musa lao ri Harun, “Iyanaro nakkattai Puwangnge wettunna makkeda, ‘Sininna iya tumaningiyékka harusu'i napakalebbi apaccingek-Ku. Maéloka pannessai arajak-Ku lao ri sininna bangsaé!’ ” Iyakiya mammekko bawammi Harun.

ANGIMANGENG 22:23

Untu' akkarobangeng cenning atié weddikko makkasuwiyangeng olokolo iya dé'é nasakke lingé, iyakiya untu' mappaleppe tinja, olokolo makkuwaéro dé' nawedding ritarima.

HABAKUK 2:14

Iyakiya pada-pada tasi'é ripennoiwi sibawa uwai, makkuwatoro linoé ripennoi matu sibawa pangissengeng passalenna Puwangnge sibawa akuwasan-Na.

MATIUS 10:32

“Nigi-nigi mangakuiwi ri yolona tau maégaé makkedaé maccowéi ri Iyya, Uwangakui towi ri yolona Ambo'-Ku ri surugaé.

MATIUS 3:2

Adanna, “Toba'no polé ri dosa-dosamu, saba' dé'na namaitta napparénta matu Allataala selaku Arung!”

MATIUS 5:16

Makkuwatoniro tajammu harusu'i mattappa ri yolona tauwé, kuwammengngi naitai tauwé pangkaukeng-pangkaukemmu madécéngngé, nainappa napojiwi Ambo'mu ri surugaé.”

LUKAS 11:1

Riséuwaé esso, massempajangngi Yésus riséuwaé onrong. Pajanana massempajang, sala séddinna polé ri ana'-ana' gurun-Na makkeda, “Puwang, pagguru tokki massempajang pada-pada Yohanés paggurui ana'-ana' gurun-Na massempajang.”

ROMA 1:7

Iyaro saba'na uwokii iyaé sure'é lao ri iko. Tennapodo Allataala Ambo'ta sibawa Puwang Yésus Kristus mabbéré barakka sibawa asaléwangeng lao ri iko.

ROMA 8:15

Saba' Roh iya nabbéréyangngé Allataala lao ri iko, dé' napancajiko ata angkanna tuwoko ri laleng amétaurengngé. Sibalé'na iyaro Rohna Allataala napancajiko ana'-ana'na Allataala. Nasibawang akuwasanna iyaro Rohna Allataala riyobbii iyaro Allataala, “Ambo', Ambo'ku!”

2 KORINTUS 1:2

maddennuwang tennapodo Allataala, Ambo'ta sibawa Puwang Yésus Kristus mabbéré barakka enrengngé asaléwangeng lao ri iko.

GALATIA 1:4

Mapatoiwi élona Allataala Ambo'ta, Kristus mabbéréyangngi Aléna mancaji akkarobangeng untu' dosa-dosata, kuwammengngi Naripassalama'ki polé ri wettu iya majaéwé.

EFESUS 1:2

Iyya, Paulus, surona Kristus Yésus nasaba élona Allataala, mamménasa tennapodo Allataala Ambo'ta sibawa Puwang Yésus Kristus mabbéré barakka sibawa asaléwangeng lao ri iko.

FILIPI 1:2

mamménasa tennapodo Allataala Ambo'ta sibawa Puwang Yésus Kristus mabbéré barakka sibawa asaléwangeng lao ri iko.

FILIPI 4:20

Ripojiwi Allataala Ambo'ta lettu mannennungeng! Aming.

1 TESALONIKA 1:1

Saudara-saudara jema'é ri Tésalonika, iya mancajiyé umma'na Allataala Ambo'é sibawa Puwang Yésus Kristus. Idi, iyanaritu Paulus, Silas sibawa Timotius mamménasa tennapodo Allataala mabbéré barakka sibawa asaléwangeng lao ri iko.

2 TESALONIKA 2:16

Tennapodo aléna Puwatta Yésus Kristus, sibawa Allataala Ambo'ta massaléwo sibawa péwatangiwi atimmu, kuwammengngi muwulléi pogau'i sibawa mabbirittangngi aga iya makessingngé. Saba' Allataala mamaséiki, sibawa nasaba akessingeng atin-Na naébbuki tette' sabbara' mamménasaiwi iya makessingngé.

WAHYU 11:15

Nainappa malaéka' mapitué naseppung tarompé'na, nariyéngkalingana ri surugaé sadda battowa senna'é iya makkedaé, “Akuwasang untu' paréntai linoé engkani makkekkuwangngé ri laleng limanna Puwatta enrengngé Arung Pappassalama' iya najjanciyangngé. Mapparéntai matu lettu mannennungeng!”

WAHYU 15:4

Nigana dé' namétau ri Idi, Puwang? Nigana dé' namaélo mabbirittangngi arajam-Mu? Iko bawang ritu mapaccing. Sininna bangsaé poléi matu sompa-Ko nasaba sining tindakam-Mu iya adélé'é purani naita sininna tauwé.”

WAHYU 19:6

Purairo uwéngkalingani séuwa pada-pada sadda sikonrong tau iya maéga senna'é; oninna pada-pada bombang iya mangappo'é sibawa pada-pada guttu iya maddalenrungngé. Uwéngkalingai mennang makkeda, “Pojiwi Allataala! Saba' Puwang, Allataalata Iya Pommakuwasaéro mapparéntani makkekkuwangngé!

WAHYU 20:4

Nainappa uwita sining kadéra akkarungengngé, sibawa sining tau iya tudangngé risining kadéra arajangngéro riwéréng kuwasa untu' pettuiwi pahukkungengngé. Uwita towi sining nyawana tau iya puraé rirette ulunna nasaba mabbéréi mennang asabbiyang passalenna Yésus, sibawa mappallebbangengngi paseng polé ri Allataala. Iyaro sining tauwé dé' nasompai olokolo'é, iyaré'ga dato'-dato'na. Dé'to mennang naengka natarima tanranna iyaro olokolo'é ri linrona iyaré'ga ri limanna. Natuwona mennang paimeng sibawa mapparénta selaku arung silaong Kristus sisebbu taung ittana.