LUKAS 10:9 - KITTA KAREBA MADECENG

⁹ Pajjappai sining tau iya malasaé ri kotaéro, sibawa birittangngi sining tauwé kuwaro, ‘Dé'na namaitta nappammula matu Allataala mapparénta selaku Arung ri tengnga-tengngamu.’

LUKAS 10:9 ပူးပေါင်းရင်းမြစ်များ

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

MATIUS 3:2

Adanna, “Toba'no polé ri dosa-dosamu, saba' dé'na namaitta napparénta matu Allataala selaku Arung!”

MATIUS 4:17

Mappammulai wettuéro nabbirittanni Yésus, “Toba'no polé ri dosa-dosamu, nasaba dé'na namaitta napparénta Allataala selaku Arung!”

MARKUS 4:30

Nakkutana Yésus, “Rékko mapparéntai Allataala, aga wedding ripasibandingengngi? Aga contona wedding ripaké untu' pakatajangngi?

MARKUS 6:13

Iyaro ana'-ana' gurunna Yésus napaddésu'ni maéga sétang, nasapuiwi minnya' zaitun tau malasaé sibawa pajjappai mennang.

LUKAS 10:10

Iyakiya rékko laoko riséddié kota nadé' naritarimako kuwaro, assuko ri lalengngé namuwakkeda,

LUKAS 10:11

‘Muwi awu kotamu iya engkaé maddekké ri ajéta riyakkeppiketto selaku papparéngngerang lao ri iko. Iyakiya issengngi makkedaé macawé'ni wettunna Allataala mappummula mapparénta selaku Arung ri tengnga-tengngamu!’

LUKAS 9:2

Nainappa nasuro mennang lao pajjappai tau malasaé sibawa mappallebbangengngi pékkugi Allataala mapparénta selaku Arung.

YOHANES 3:3

Nappébali Yésus, “Ateppe'no, dé' séddi tau mulléi mancaji anggotana umma'na Allataala, rékko dé' narijajiyang paimeng.”

YOHANES 3:5

Nappébali Yésus, “Tongeng senna' adak-Ku: rékko tauwé dé narijajiyang polé ri uwai sibawa polé ri Rohna Allataala, iyaro tauwé dé' nawedding mancaji anggotana umma'na Allataala.

RIWAYA'NA RASUL-RASUL-E 28:28

Paccappurenna makkedai Paulus, “Harusu'i naisseng Saudara-saudara makkedaé karéba passalenna asalamakengngé iya polé ri Allataala makkekkuwangngé purani riyabbirittang lao ri bangsa-bangsa laingngé iya tenniyaé Yahudi. Maéloi mennang turusiwi!” [

RIWAYA'NA RASUL-RASUL-E 28:31

Baraniwi mabbirittangngi lao ri mennang passalenna pékkugi Allataala mapparénta selaku Arung, sibawa passalenna Puwatta Yésus Kristus. Napogau'ni Paulus iyaro sibawa laluwasa, tenrihalang-halangi.