LUKAS 10:20 - KITTA KAREBA MADECENG

²⁰ Namuni makkuwaro aja' mumarennu nasaba sining roh majaé tunru' ri iko. Lebbi kessing muwi akkérennuko nasaba riyokii asemmu ri surugaé.”

LUKAS 10:20 ပူးပေါင်းရင်းမြစ်များ

MAZMUR 69:28

Leppessanni asalanna tattamba maéga; aja' naripattongeng mennang.

ASSURENG 32:32

Tennapodo taddampengengngi dosana; rékko dé', leddani asekku polé ri kitta'na sining tau tuwoé.”

YESAYA 4:3

Tungke tau iya risalaiyé ri Yérusalém, sining tau iya napilé Allataala untu' ripassalama, riteppui matu mapaccing.

YEREMIA 17:13

Puwang, Iko ritu paddennuwanna Israélié, umma'-Mu; sininna iya salaiyék-Ko masirii matu. Lennye'i matu mennang polé ri linoéwé nanalao ri linona tau maté. Saba', Iko assalenna uwai atuwongngé purano nasalai mennang, oh Puwang.

YEHEZKIEL 13:9

Uhukkukko matu, éh nabi-nabi iya powadaéngngi boto bellé sibawa nawa-nawaéngngi sining pakkitangngé! Dé'na naweddikko maccowé mabbéré apettung ri laleng addeppu-deppungenna umma'-Ku. Ricoré'i matu aseng-ngasemmu polé ri daftar appanna Israélié, sibawa dé' matu mulisuna ri tana assalemmu. Namuwissengngi matu makkedaé Iyya ritu Puwang Iya Pommatanré.

DANIEL 12:1

Makkedasi malaéka' iya paké pakéyang lénanro, “Iyaro wettué mompoi matu malaéka' battowaé Mikhaél pallinrunna bangsamu. Nainappa engka matu wettu asukkarakeng iya dé'é gaga pada-padanna sipongenna engka bangsa-bangsaé. Iyakiya sininna tau polé ri bangsamu iya tarokié asenna ri laleng kitta'na Allataala, ripassalama'i matu.

MATIUS 10:1

Engka séuwa esso naobbii Yésus iya seppulo duwa ana' gurun-Na maddeppungeng. Nanawéréngngi mennang kuwasa untu' paddésu'i roh-roh majaé sibawa pajjappai sininna rupa-rupanna lasaé enrengngé sininna rupanna tau sala-salangngé watakkaléna.

MATIUS 26:24

Mémeng Ana'na Tolinoé matéi matu pada-pada tarokié ri laleng Kitta'é. Iyakiya cilakai tau iya bali'bellariyéngngi Ana'na Tolinoé! Lebbi kessing muwi dé' siseng naengka najaji iyaro tauwé!”

MATIUS 27:5

Naggenrungenni Yudas iyaro dowié muttama' ri Bolana Puwangngé, nainappa lao gattungngi aléna.

FILIPI 4:3

Lao ri sellaoku iya matinulué, uwéllau towi kuwammengngi Saudara bantuwi iya duwa makkunraiéro. Purani majjama senna' mennang sibawakka untu' mabbirittangngi Karéba Madécéng polé ri Allataala; pada-pada Klémén sibawa sininna tau laingngé iya majjamaé sibawakka. Aseng-ngasenna mennang engkai ri laleng Kitta'na Tau Tuwoé.

IBRANI 12:23

Muwaccowériwi séuwa addeppungeng iya marowaé – addeppungenna ana'-ana' macowana Allataala, iya aseng-ngasennaé riyokii ri laleng surugaé. Laoko mangolo ri Allataala, Hakinna sininna rupa tauwé. Muwoloiwi roh-rohna tau iya makessingngé, iya puraénna ripassukku.

WAHYU 13:8

Iyaro olokolo'é risompai matu ri sininna tau iya tuwoé ri yasé'na linoé, sangadinna sining tau iya asennaé purani riyoki riwettu dé'napa naripancaji linoé, ri laleng kitta'na tau tuwoé appunnangenna Ana' Bimbala' iya puraé rigéré.

WAHYU 17:8

Iyaro olokolo'é engka naengka natuwo riyolo, iyakiya makkekkuwangngé dé'na natuwo. Cinampe'pi nassu matu polé ri pepping amaténgngé enrengngé nalao matu mattuju ri abinasangngé. Sining tau iya tuwoé ri linoé riwettu dé'napa naripancaji linoé iya asennaé dé' nariyoki ri laleng Kitta'na Tau Tuwoé, iyaro sining tauwé hérangngi matu rékko naitai iyaro olokolo'é. Saba' iyaro olokolo'é engka naengka natuwo riyolo. Makkekkuwangngé dé'na natuwona, iyakiya maéloi mompo paimeng.

WAHYU 20:12

Sibawa uwitai sining tau maté, baiccu battowa, tettong ri yolona kadéra arajangngéro. Naritimpa'na sining kitta'é. Nainappa séddi kitta laingngé ritimpa, iyanaritu Kitta'na Tau Tuwoé. Nainappa ripatatteppa pahukkungengngé ri yasé'na sining tau maté, situru pangkaukenna mennang iya riyokié ri laleng sining kitta'éro.

WAHYU 20:15

Sining tau iya dé'é nariyoki asenna ri laleng Kitta'na Tau Tuwoé, iyaro sining tauwé ribuwangngi ri laleng tasi apié.

WAHYU 21:27

Iyakiya sining tau iya pogau'éngngi gau'-gau' iya mappakaciddi-ciddi'é iyaré'ga tau iya mabbellé – rippe'na agi-agi iya najisi'é, dé' sises-siseng nauttama ri lalenna. Iya muttama'é matu banna sining tau iya asennaé taroki ri laleng Kitta'na Tau Tuwoé, kitta'na Ana' Bimbala'éro.

WAHYU 3:5

Mennang iya pacaué ripappakéiwi matu pakéyang maputé. Asenna mennang dé' Uleddai matu polé ri Kitta'na Tau Tuwoé. Na riyolona Ambo'-Ku enrengngé malaéka'-malaéka'-Na mangaku-Ka matu makkedaé mennang iyanaritu appunnangek-Ku.