LUKAS 10:2 - KITTA KAREBA MADECENG

² Adan-Na lao ri mennang, “Engngalang iya maéloé riyéngngala maéga, iyakiya paréngngala iya maéloé méngngalai céddé'mi. Rimakkuwannanaro, éllauno ri Punna dare'é kuwammengngi nakiring paréngngala untu' méngngalai wassélé' tanet-tanen-Na.

LUKAS 10:2 ပူးပေါင်းရင်းမြစ်များ

1 ARUNG-NGARUNG 18:22

Nainappa makkeda Elia, “Ri yelle'na nabi-nabinna Puwangnge banna iyya bawang monro, padahal kuwaé engka 450 nabi Baal.

MAZMUR 68:11

Nainappa umma'-Mu monro kuwaro; ri laleng akessingem-Mu, oh Allataala, Mupiyarai tau kasiyasié.

YEREMIA 3:15

Maélo-Ka mpérékko pamimping-pamimping iya mapatoé lao ri Iyya. Napimpikko matu sibawa mapanré nenniya penno pappéjeppu.

ZAKHARIA 11:17

Tattanroi pakkampi iya dé'é nakkégunaro! Purai nasalai bimbala makkonronna. Musué paccappa'i matu akuwasanna. Malemmai matu taiyyana sibawa butai matu mata ataunna.”

ZAKHARIA 11:5

Sining pangellinna mpunoi iyaro sining bimbala'é tenrihukkung. Makkedai mennang iya balu'éngngi jukuna sining bimbala'éro, ‘Ripojiwi Puwangnge! Tattamba sugini makkekkuwangngé!’ Iyaro sining pakkampié dé' namessé lao risining bimbala piyarana mennang.

ABBILANGENG 11:17

Maélo-Ka nonno mabbicara sibawa iko ri onrongngéro, na sibagiyang polé ri akuwasang iya Uwéréngngékko, Uwéréngngi matu mennang. Nanaulléni matu mennang duwakko méssangngi tanggung jawa'é ri yasé'na bangsaéwé, nadé'na naparelluko alé-alému méssangngi.

ABBILANGENG 11:29

Nappébali Musa, “Magi mupikkiri'ka? Mala mamménasaka kuwammengngi nabbéréyangngi Puwangnge Roh-Na lao risininna bangsa-Na, sibawa mébbu manengngi mennang mancaji nabi!”

MATIUS 20:1

“Rékko mapparéntai Allataala, keadaanna pada-padai pakkalarapangengngéwé: Engka séddi tau mappunnai dare' anggoro, massui ri éléé untu' sappa tau majjama ri dare' anggoro'na.

MARKUS 13:34

Keadaanna sinrupai séddié tau iya salaiyéngngi bolana nalao ri onrong mabélaé. Nasuroi sining pattumaninna murusu'i bolana, sibawa nawérénna tungke'-tungke' jamang. Lao ri panganrowang tange'é, mappasengngi kuwammengngi najaga madécéd-décéng.

MARKUS 16:15

Nakkeda Yésus lao ri mennang, “Laono risininna linoé namuwappallebbangengngi Karéba Madécéng polé ri Allataala lao ri sininna rupatauwé.

MARKUS 16:20

Nalaona ana'-ana' gurun-Na mappallebbangengngi kégi-kégi karéba polé ri Allataala. Naturu' tona Puwangngé majjama silaong mennang sibawa napabuttinna naolai sining anu makalallaingngé makkedaé tongengngi pabbirittanna mennang.] [

LUKAS 9:1

Naobbini Yésus iya seppulo duwa ana' gurun-Na, nainappa nawéréng mennang akuwasang untu' paddésu'i sétangngé sibawa pajjappai lasaé.

RIWAYA'NA RASUL-RASUL-E 11:19

Puranana riyuno Stéfanus, sining tau mateppe'é ri Yésus mappammulani rilellung, angkanna tassiya-siyani lao kégi-kégi. Engka lari narapi Fénésia, na engkato lettu ri Siprus sibawa Antiokhia. Nappallebbangenni mennang karéba polé ri Allataala banna lao risining tau Yahudié bawang.

RIWAYA'NA RASUL-RASUL-E 13:2

Wettunna mennang massompa lao ri Puwangngé sibawa mappuwasa, makkedani Rohna Allataala lao ri mennang, “Piléi Barnabas sibawa Saulus untu' Iyya, kuwammengngi napogau'i mennang jamang iya puraé Upattentungengngi mennang.”

RIWAYA'NA RASUL-RASUL-E 13:4

Nasaba rikiringngi ri Rohna Allataala, joppani Barnabas sibawa Saulus lao ri Seléukia. Polé kuwaro sompe'ni mennang lao ri pulo Siprus.

RIWAYA'NA RASUL-RASUL-E 20:28

Sitinajako jagaiwi aléna sibawa jagai towi sininna jema'é iya puraé nabbéréyang Rohna Allataala lao ri iko untu' rijagai, saba' pura riyakkako mancaji jennang ri jema'éro. Sitinajako jagaiwi iyaro jema'na Allataala pada-pada pakkampié jagaiwi bimbala'na, nasaba Allataala pura pancajiwi iyaro jema'é appunnangeng ri Aléna naolai amaténna Ana'-Na.

RIWAYA'NA RASUL-RASUL-E 22:21

Iyakiya makkedai paimeng Puwangngé lao ri iyya, ‘Laono bawang, saba' maélo-Ka suroko lao ri onrong iya mabélaé lao risining tau tenniyaé Yahudi.’ ”

RIWAYA'NA RASUL-RASUL-E 8:4

Sining tau mateppe'é iya tassiya-siyaénnaro nappallebbangenni Karéba Madécéng polé ri Allataala lao kégi-kégi.

1 KORINTUS 12:28

Makkuwatoro ri laleng jema'é, purani napattentu Allataala onrong untu' maddupa-rupang tau: Mula-mulanna rasul-rasul; maduwanna, nabi-nabi, matellunna guru-guru, nainappa mennang iya pakangkaé sining anu makalallaingngé, nainappa mennang iya riwéréngngé pangissengeng untu' pajjappai tauwé, iyaré'ga untu' tulungngi tau laingngé, iyaré'ga untu' mappimping, iyaré'ga mabbicara sibawa basa iya makalallaingngé.

1 KORINTUS 15:10

Iyakiya nasaba pammaséna Allataala, mancajika pada-pada keadaakku makkekkuwangngé. Nadé' naparacuma Allataala maddampengekka. Mala iyya ritu iya majjamaé lebbi marejjing naiya sininna rasul laingngé. Iyakiya iyaro sitongenna tenniya usahaku; iyaro usahana Allataala iya mamaséiyékka sibawa iya majjamaé sibawakka.

2 KORINTUS 6:1

Nasaba majjamaki sibawa Allataala, nariyéllauwi sibawa masero aja'na musiya-siyakangngi iyaro akessingeng atinna Allataala.

FILIPI 2:21

Iya maneng laingngé banna naurusu'i apentingemmu aléna bawang, tenniya apentingenna Yésus Kristus.

FILIPI 2:25

Passalenna saudarata Epafroditus iya puraé musuro bantuka, marasa parelluka suroi lisu lao ri iko. Purana naranreng ri laleng jama-jamangngé sibawa perjuwangekku.

FILIPI 2:30

Untu' apentingenna jema'-jema'na Kristus, céddé'pi namaté; nappésonangngi nyawana untu' tulukka ri laleng asemmu.

KOLOSE 1:29

Untu' lettu ri gau'éro majjama laddé'ka. Uwakkulléyangngi sibawa sininna awatangekku iya nabbéréyangngé Kristus lao ri iyya iya majjamaé ri laleng aléku sibawa penno akuwasang.

KOLOSE 4:12

Selleng polé ri Epafras. Polé towi ri yelle'mu. Atannai Kristus Yésus, iya tuli massempajangngé sibawa matonget-tongeng untu' iko. Naéllauwi sibawa masero lao ri Allataala kuwammengngi na atepperemmu mancaji mawatangngi sibawa tonget-tongekko déwasa, kuwammengngi sukkuko matinulu lao ri élona Allataala.

1 TESALONIKA 2:9

Tentu muwéngngerang mupi pékkugi tedde'ta makkuraga sibawa méwa. Esso wenniki majjama kuwammengngi nadé' tasussaiwi muwi séddi tau ri yelle'mu wettutta mappallebbangengngi Karéba Madécéng iya polé ri Allataalaro lao ri iko.

1 TESALONIKA 5:12

Saudara-saudara, riyéllauwi sibawa masero kuwammengngi muwangke'i tau iya majjamaé ri tengnga-tengngamu; iyanaritu mennang iya puraé napilé Puwangngé untu' pimpingngi sibawa pangajariko.

2 TESALONIKA 3:1

Paccappurenna, Saudara-saudara, assempajangekki. Assempajanno kuwammengngi biritta polé ri Puwangngé weddingngi matteru mallebbang sibawa masitta enrengngé ritarima sibawa madécéng, pada-pada iya puraé kajajiyang ri iko riyolo.

1 TIMOTIUS 4:10

Iyanaro saba'na méwaki sibawa marejjing majjama, saba' mamménasaki sissukku-sukkuna lao ri Allataala iya tuwoé, Aléna ritu Pappasalama'na sininna tauwé, lebbi-lebbipi sining tau iya mateppe'é.

2 TIMOTIUS 4:5

Namuni makkuwaro, harusu'ko kuwasaiwi alému ri laleng keadaang muwi maga. Sabbara'ko ri laleng anrasa-rasangngé, jamai jamammu selaku pabbiritta Karéba Madécéngngéro sibawa pajoppai sikkessik-kessinna kewajibammu selaku pattumaninna Allataala.

FILEMON 1:1

Saudara Filémon, sellao sibawa sahaba'ta! Iyya, Paulus, séddiwi tau tahanang nasaba Kristus Yésus, silaong saudarata Timotius, mokii iyaé sure'é lao ri iko

IBRANI 3:6

Iyakiya Kristus matinului selaku Ana' iya tanggung jawakiyéngngi Bolana Allataala. Na idi'naé Bolana Allataala, rékko tette'ki masumange' sibawa tette' mateppe' untu' lolongengngi aga iya tamménasaiyé.

WAHYU 2:1

“Lao ri malaéka'na jema'é ri Efésus, okii makkuwaéwé: Iyanaé paseng polé ri Aléna makkatenningngé pitu wéttowing ri lima ataun-Na, enrengngé joppa ri yelle'na iya pitu ajé lampu ulawengngéro.