LUKAS 10:18 - KITTA KAREBA MADECENG

¹⁸ Nappébali Yésus, “Uwitai Ibillisi'é sempé polé ri langié pada-pada billa'é.

LUKAS 10:18 ပူးပေါင်းရင်းမြစ်များ

YESAYA 14:12

Eh arung Babél, riyolo wéttowing éléko iya mattappaé, iyakiya makkekkuwangngé sempé'ni polé ri langié! Riyolo mucaui bangsa-bangsaé, iyakiya makkekkuwangngé riyappéyanni ri tanaé.

MATIUS 4:10

Nappébali Yésus, “Addésu'ko Ibillisi'! Ri laleng Kitta'é tarokii: Sitinajako sompai Puwang Allataalamu, sibawa tumaningiwi Aléna bawang!”

YOHANES 12:31

Narapini wettunna makkekkuwangngé riyadéléki linoé; risulléini panguwasana linoé makkekkuwangngé.

YOHANES 16:11

sibawa makkedaé mappammulani Allataala pahukkung, saba' purani rihukkung panguwasana linoé.

IBRANI 2:14

Nasaba sining tau iya nateppué iyaro ana'é, iyanaritu mahlu' tolino iya weddingngé maté, na Yésus muto mancaji pada sibawa mennang enrengngé tuwo ri laleng keadaang tolinoé. Napogau'i makkuwaéro, kuwammengngi nasibawang amatén-Na naulléi mancuru'i Ibillisi' iya makuwasaiyéngngi amaténgngé.

1 YOHANES 3:8

Iyakiya tau iya matteru-terué pogau' dosa, ana'nai iyanaritu Ibillisi', saba' Ibillisi' pammulanna mupa namadosa. Untu' iyanaé napolé Ana'na Allataala, iyanaritu untu' mancuru'i jama-jamanna Ibillisi'.

WAHYU 20:2

Nainappa natikkeng iyaro nagaé, ula macowaé – iyanaritu Ibillisi'é iyaré'ga Roh Majaé – sibawa balenggui untu' sisebbu taung ittana.

WAHYU 9:1

Nainappa malaéka' malimaé seppungngi tarompé'na, nauwitai séuwa wéttowing sempé' polé ri langié nonno ri linoé. Iyaro wéttowingngé riwéréngngi goncinna balorang amaténgngé.