LUKAS 10:16 - KITTA KAREBA MADECENG

¹⁶ Nanakkeda Yésus lao ri ana'-ana' gurun-Na, “Tau iya méngkalingaékko, naéngkalinga-Ka. Tau iya sampéyangngékko, nasampéyang tok-Ka. Sibawa tau iya sampéyangngék-Ka, nasampéyang towi iya suroék-Ka.”

LUKAS 10:16 ပူးပေါင်းရင်းမြစ်များ

ASSURENG 16:7

Baja éléé muwitai matu cahaya ahadérékenna Puwangnge. Naéngkalingako Puwangnge macai lao ri Aléna; ya, lao ri Puwangnge, saba' idi'é banna ripogau'i aga iya Napparéntangngé.

ASSURENG 16:8

Puwangnge mpérékko matu juku ri arawéngngé, sibawa roti ri éléé gangkammu messo, nasaba naéngkalingani Puwangnge macaiko lao ri Aléna. Sitongenna, rékko macaiko lao ri idi, macaiko lao ri Puwangnge.”

MALEAKHI 1:6

Makkedai Puwang Iya Pommakuwasaé lao risining imangngé, “Séddié ana' napakalebbii ambo'na, sibawa séddié pattumani napakalebbii puwanna. Iyya'é Ambo'mu; magi dé' mupakalebbi-Ka? Iyya'é ponggawamu; magi dé' mumétau lao ri Iyya? Mupakatuna-Ka, iyakiya makkutanako, ‘Nasibawang cara aga ripakatuna-Ko?’

ABBILANGENG 14:11

Makkedai Puwangnge lao ri Musa, “Siyagapi ittana iyaé sining tauwé méwaka? Gangka kégi mennang dé' namaélo mateppe ri iyya, namuni puraka mébbu makkuwamani égana anu makalallaing ri yelle'na mennang?

ABBILANGENG 14:2

Mannoko-noko'ni mennang lao ri Musa nenniya Harun sibawa makkeda, “Lebbi kessing muwi matéki ri Maséré iyaré'ga ri padang kessi'éwé! Leppessang bawanni matéki!

ABBILANGENG 16:11

Rékko iko sibawa sining tau iya maccowériyékko mannoko'-noko'i lao ri Harun, sitongenna muéwai Puwangnge!”

MATIUS 10:40

“Tau iya tarimaékko, natarima-Ka. Na tau iya tarimaék-Ka, natarimai iya suroék-Ka.

MATIUS 18:5

Na tau iya tarimaéngngi anana' iya pada-padaéwé nasaba Iyya, bettuwanna natarima-Ka.”

MARKUS 9:37

“Tau iya tarimaéngngi séddié anana' pada-padaéwé nasaba Iyya, bettuwanna natarima tok-Ka. Na tau iya tarimaék-Ka, tenniya Iyya bawang natarima, iyakiya natarima towi iya suroék-Ka.”

LUKAS 9:48

Nainappa makkeda lao ri ana'-ana' gurun-Na, “Tau iya tarimaéngngi iyaé ana'é nasaba Iyya, bettuwanna natarima-Ka. Sibawa tau iya tarimaék-Ka, natarima towi iya suroék-Ka. Saba' tau iya kaminang baiccu'é ri yelle'mu, iyanaritu kaminang battowa!”

YOHANES 12:44

Nanagora Yésus, “Tau iya mateppe'é ri Iyya, dé' na ri Iyya mateppe', iyakiya lao ri iya suroék-Ka.

YOHANES 12:48

Tau iya sampéyangngék-Ka sibawa dé' naéngkalingai ada-adak-Ku, engkana madélékiwi. Ada-ada iya Upalettu'é, iyanaro matu madélékiwi ri Esso Kiyame'.

YOHANES 13:20

Tongeng senna' adak-Kué: Niga tarimai tau iya Usuroé, natarima-Ka. Na niga tarima-Ka, natarimai iya suroék-Ka.”

RIWAYA'NA RASUL-RASUL-E 5:4

Iyaro tanaé iko punna riwettu dé'napa mubalu'i. Sibawa muwi puranana ribalu', iko topa punna iyaro dowi ellinna. Jaji magi naengka akkattamu ri laleng atimmu untu' pogau'i makkuwaéro? Tenniya tolinoé mubellé iyakiya Allataala!”

GALATIA 4:14

Iyaro wettué dé' mumaciddi lao ri iyya, namuni watakkaléku sinrupai paccobang iya battowaé lao ri iko. Mala mutarimaka pada-pada tarimai malaéka'na Allataala iyaré'ga tarimai aléna Kristus Yésus.

1 TESALONIKA 4:8

Rimakkuwannanaro, tau iya dé'é natarimai pappagguruwangngéwé, tenniya bawang dé' natarimai rupa tauwé, sangadinna nasampéyangngi Allataala iya mabbéréyangngéngngi Roh-Na iya mapaccingngé lao ri iko.