LUKAS 10:14 - KITTA KAREBA MADECENG

¹⁴ Ri Esso Kiyame', sining tau Tirus-é sibawa Sidongngé lebbi gampangngi matu riyaddampengeng ri Allataala naiya iko.

LUKAS 10:14 ပူးပေါင်းရင်းမြစ်များ

YOEL 3:4

Maéloko maga-Ka, éh Tirus, Sidon sibawa sininna daéarana Filistin? Macinnakoga makkabale lao ri Iyya? Nah, tarimani pakkabale'-Ku sibawa masitta.

AMOS 1:9

Makkedai Puwangnge, “Makkolik-kolinni madosa pabbanuwana Tirus, rimakkuwannanaro pasti Uhukkungngi matu mennang. Purai mennang natiwi maneng séuwa bangsa lao ri appalirengngé, nanabbéréyangngi lao ri Edom; purai mennang najjalékkai assijancing assisellaongngé.

AMOS 3:2

“Polé ri sininna bangsaé ri linoé, iko ritu alé-aléna bangsa iya Uwissengngé sibawa Ujampangiyé. Iyanaro saba'na nabattowa dosamu, sibawa pasti Uhukkukko.”

MATIUS 10:15

Engngerangngi! Ri Esso Kiyame', sining taunna Kota Sodom sibawa Gomora lebbi gampangngi matu riyaddampengeng ri Allataala, naiya sining tau ri kotaéro.”

MATIUS 11:21

“Cilakano iko Korazim! Macilaka tono iko, Bétsaida! Akkalarapanna sining anu makalallaingngé iya naébbué ri tengnga-tengngamu pura napogau'i ri Tirus sibawa Sidon, pasti sining tauwé kuwaro maittana natoba' polé ri dosa-dosana mennang sibawa paké pakéyang mabbarata enrengngé taroiwi awu ulunna.

YOHANES 3:19

Rituntu'i nallalengiwi gau'éwé: Iyaro tajangngé engkani polé ri linoé, iyakiya rupa tauwé lebbi napojiwi pettangngé naiya tajangngé, saba' majai pangkaukenna mennang.

ROMA 2:1

Rimakkuwannanaro, Saudara-saudara, niga Saudara angkanna Saudara maélo passalai tau laingngé? Dé' agaga nappunnai Saudara untu' méwaiwi alému! Saba' rékko Saudara passalai tau laingngé, padahal napogau' towi Saudara pangkaukeng iya pada-padaé mennang, tentu Saudara pakennai towi aléna pahukkungeng.

ROMA 2:27

Nasining tau iya dé'é narisunna'ro napassalai matu tau Yahudié, saba' mappunnaiwi Saudara hukkung agama Yahudi sibawa risunna'na Saudara, iyakiya muwajjalékkaiwi hukkung-hukkungngéro. Dé' narisunna' mennang, iyakiya mala mennang ritu iya turusiyéngngi hukkunna agama Yahudié.