LUKAS 10:10 - KITTA KAREBA MADECENG

¹⁰ Iyakiya rékko laoko riséddié kota nadé' naritarimako kuwaro, assuko ri lalengngé namuwakkeda,

LUKAS 10:10 ပူးပေါင်းရင်းမြစ်များ

YEHEZKIEL 2:5

maéloiga mennang méngkalingai iyaré'ga dé'; iya pentingngé, harusu'i naisseng mennang makkedaé engka nabi ri tengnga-tengngana mennang.

MATIUS 10:14

Rékko bolaé iyaré'ga kotaé dé' namaélo tarimako iyaré'ga dé' namaélo méngkalingako, salaiwi iyaro onrongngé sibawa akkeppikengngi awunna palakajému.

LUKAS 10:11

‘Muwi awu kotamu iya engkaé maddekké ri ajéta riyakkeppiketto selaku papparéngngerang lao ri iko. Iyakiya issengngi makkedaé macawé'ni wettunna Allataala mappummula mapparénta selaku Arung ri tengnga-tengngamu!’

LUKAS 10:9

Pajjappai sining tau iya malasaé ri kotaéro, sibawa birittangngi sining tauwé kuwaro, ‘Dé'na namaitta nappammula matu Allataala mapparénta selaku Arung ri tengnga-tengngamu.’

LUKAS 9:5

Nakégi-kégi dé' naritarimako, wettunna musalai kotaéro, akkeppiyangngi awué ri palakajému, selaku papparéngngerang lao ri mennang.”

RIWAYA'NA RASUL-RASUL-E 13:51

Nanakkeppikenni iyaro rasul-rasul-é awué ri ajéna ri yolona sining tauwéro selaku papparéngngerang, nainappa lao ri Ikonium.

RIWAYA'NA RASUL-RASUL-E 18:6

Iyakiya nasaba sining tauwé matteru-terui méwai sibawa cellai, nakkeppikenni Paulus awué polé ri pakéyanna selaku tanrang untu' paréngngerangiwi mennang asalanna. Makkedai, “Rékko nakennako abala, asalammu mutotu! Leppe' limakku! Mappammulai makkekkuwangngé maéloka lao risining tau tenniyaé Yahudi.”