LUKAS 10:1 - KITTA KAREBA MADECENG

¹ Purairo pilési Puwangngé pituppulo ana' guru, nainappa nasuro mennang tadduwa-duwa poddiyoloiwi lao ri tungke' kota sibawa onrong iya maéloé Nalokkai.

LUKAS 10:1 ပူးပေါင်းရင်းမြစ်များ

YEHEZKIEL 8:11

Pituppulo tau pamimping bangsa Israélié engka kuwaro, muttama'ni Yaazanya ana' Safan. Tungke-tungke makkatenning séddi addupa-dupang iya maddumpué.

ABBILANGENG 11:16

Nanakkedana Puwangnge lao ri Musa, “Paddeppungengngi polé ri yelle'na bangsa Israélié pituppulo tomacowa-cowa iya riyangakuiyé selaku pamimping bangsa. Tiwii mennang ri yolo-Ku ri laleng Kéma-Ku, namusuroi mennang tettong kuwaro ri benrémmu.

LUKAS 1:17

Mancajiwi matu surona Puwangngé iya mawatangngé sibawa makuwasana pada-pada Elia. Napasidaméi matu ambo'é sibawa ana'é, enrengngé tau iya dé'é namatinulu napimpingngi matu lisu ri laleng pikkiranna iya tongengngé. Nanallalengiro napassadiyai matu séuwa umma' iya sadiyaénna untu' Puwangngé.”

LUKAS 1:76

Iko, éh ana'ku, riyasekko matu nabinna Allataala Iya Pommatanré. Risuroko poddiyoloiwi Puwangngé untu' sarakengngi laleng Aléna.

LUKAS 7:13

Wettunna Puwang Yésus naita iyaro makkunraié, messéni lao ri makkunraiéro nanakkeda, “Aja' muteri, Indo!”

LUKAS 7:19

nanasuroi lao ri Puwang Yésus makkutana, “Bapa'ga tau iya maéloé polé situru jancinna Allataala, iyaré'ga harusu'ki mattajeng séddi tau laing?”

LUKAS 9:52

Nasuroni tauwé poddiyoloiwi. Sining tau iya Nasuroé lao, muttama'ni riséuwaé kampong ri Samaria kuwaniro napassadiya sini-sininnaé untu' Yésus.