LUKAS 1:73 - KITTA KAREBA MADECENG

^73-74 Purani mattanro ri Abraham, ambo'ta, sibawa majjanci untu' passalama'ki polé ri balitta, kuwammengngi dé' tamétau tumaningiwi

LUKAS 1:73 ပူးပေါင်းရင်းမြစ်များ

KAJAJIYANG 24:7

Puwang, Allataala iya makuwasaiyéngngi langié, pura tiwika polé ri bolana ambo'ku sibawa polé ri wanuwanna sumpuloloku, napurani mattanro lao ri iyya makkedaé maéloi mpérékka iyaé wanuwaé lao ri wija-wijakku. Alénato suroi matu malaéka'-Na untu' tulukko, kuwammengngi mulléi runtu séddi bainé polé kuwaro untu' ana'ku.

KAJAJIYANG 26:3

Maélo-Ka linrungiko sibawa barakkakiko. Sininna daéraéwé maéloka mpérékko sibawa wija-wijammu. Maélo-Ka rupaiwi janci iya puraé Uwabbéréyang lao ri Abraham, ambo'mu.

MAZMUR 105:9

Iyaro assijancingngé Naébbui sibawa Abraham, nainappa sibawa Ishak;

YEREMIA 11:5

Rékko napogau' manengngiro mennang, Urupaiwi matu jancik-Ku lao ri toriyolona mennang makkedaé wanuwa iya macommo'é sibawa madécéngngé, iyaro naonroiyé mennang makkekkuwangngé, Uwéréngngi matu mennang.” Mappébalika, “Makessinni, Puwang.”

ULANGENG 7:12

“Rékko mupuriyatiwi iyaro parénta-paréntaé, sibawa pogau'i sibawa matinulu, matinulu towi matu Puwang Allataalamu lao ri assijancing iya Naébbué sibawa iko. Nappaitangngi matu pammasé-Na iya tette'é ri iko, pada-pada iya Najjanciyangngé lao ri toriyolomu.

ULANGENG 7:8

Iyakiya Puwangnge piléko nasaba namaséiko sibawa macinnai rupaiwi janci iya Naébbué sibawa néné-nénému. Iyanaro saba'na purako Napassalama sibawa akuwasang iya battowaé sibawa paleppe'ko polé ri angatangenna arung Maséré.

IBRANI 6:13

Wettunna Allataala majjanci lao ri Abraham, mattanroi makkedaé maéloi pogau'i aga iya puraé najjanciyang. Nasaba dé'gaga iya lebbi matanré naiya Allataala, nattanrona ri laleng asen-Na muto.