LUKAS 1:53 - KITTA KAREBA MADECENG

⁵³ Napésennangiwi tau malupué sibawa sininna adécéngengngé tau sugié napaddésu'i sibawa kosong.

LUKAS 1:53 ပူးပေါင်းရင်းမြစ်များ

MAZMUR 146:7

Naéwaiwi ha'na sining tau ritenre'é, sibawa nawéréngngi inanré tau malupué. Napaleppe'i Puwangnge sining tahanangngé,

MAZMUR 34:10

Pakalebbii Puwangnge, éh iko umma'-Na, saba' tau mateppe'é dé' naakurangeng matu.

YEHEZKIEL 34:29

Ucommokiwi matu sining dare'na angkanna dé'gaga wettu akkadérenna ri wanuwaéro. Dé'na naripakatuna matu mennang ri bangsa-bangsa laingngé.

MATIUS 5:6

Masennangngi tau iya muddaniyé pogau'i élona Allataala; ripaggenne'i matu apparelluwanna mennang ri Allataala!

LUKAS 1:54

Natulungngi Israélié, atan-Na, situru janci iya Naébbué sibawa néné-nénéta.

LUKAS 6:21

Asennanno iko iya malupué makkekkuwangngé; ripawessoriko matu! Asennanno iko iya teriyé makkekkuwangngé; macawako matu!

LUKAS 6:24

Iyakiya cilakano iko iya sugié makkekkuwangngéwé; saba' purani mupéneddingi anyamengengngé!

YOHANES 6:35

Nakkeda Yésus lao ri mennang, “Iyya'na roti iya mabbéré atuwong. Tau iya laowé ri Iyya dé'na namalupu lettu mannennungeng. Sibawa tau iya mateppe'é ri Iyya dé'na namadekkana lettu mannennungeng.

1 KORINTUS 1:26

Saudara-saudara! Cobai méngngerangngi pékkugi keadaammu wettunna Allataala mobbiko. Céddé bawang polé ri yelle'mu iya mapanré, iyaré'ga makuwasaé, iyaré'ga matanré tudangenna manuru' pakkitanna rupa tauwé.

1 KORINTUS 4:8

Mémeng dé'na muwapparelluwassi aga-aga! Sugino iko! Mancaji arunno! Na idi dé'! Temmaka kessinna rékko tonget-tongekko mancaji arung, kuwammengngi weddikki mapparénta silaong iko.

1 SAMUEL 2:5

Tau iya messoé riyolo nasaba maonai anré, mancaji pajjama ripéssaroiyé banna untu' lolongeng inanré. Tau iya alupurengngé riyolo, makkekkuwangngé messoni, genne inaré. Bainé manangngé, matemponi makkekkuwangngé, pituni ana' najajiyang! Iyakiya indo' iya maégaé ana'na, risalai, rileppessang maddokoroko.