LUKAS 1:51 - KITTA KAREBA MADECENG

⁵¹ Nasibawang liman-Na iya mawatangngé napassara-sarangngi tau matempoé, sibawa nakacauwi rancanana mennang.

LUKAS 1:51 ပူးပေါင်းရင်းမြစ်များ

KAJAJIYANG 11:8

Makkuwaniro Puwangnge passara-sarangngi mennang lao ri sininna linoé. Nanappésauna mennang patettongngi iyaro kotaé.

KAJAJIYANG 6:5

Naitani Puwangnge pékkugi jana sining tauwé ri linoé; sininna pikkiranna mennang tuli majai.

KAJAJIYANG 8:21

Bau mabauna iyaro akkarobangeng pakkasuwiyangngé pésennangiwi atinna Puwangnge, nanakkeda-Na ri laleng ati, “Dé'na Umaélona tanroiwi linoéwé nasaba pangkaukenna tolinoé; Uwisseng makkedaé mappammulai wettu malolona, iyaro pikkiranna tolinoé majai. Dé'na matu naengkana Upabbinasai sininna mahlu' iya tuwoé pada-pada iya nappaé Upogau'éwé.

MAZMUR 118:15

Engkalingai gora-gora apakalangngé ri akkéma-kémanna umma'-Na, “Napogau'i Puwangnge pangkaukeng poré!

MAZMUR 33:10

Puwangnge teppasipoléngengngi rancanana bangsa-bangsaé, Napaddéi niya'na mennang.

MAZMUR 52:9

“Iyanaro taunna iya dé'é nallinrung ri Allataala, iyakiya mamménasangngi asugirenna maonaé sibawa sappa atennangeng ri barang rappana.”

MAZMUR 63:5

Gangka tuwoku sukkuru'ka lao ri Iko; uwakkai limakku lao ri Iko umassempajatto.

MAZMUR 89:10

Mukuwasaiwi tasi iya mabbombangngé, sibawa pasoroi bombanna iya maseroé.

MAZMUR 89:13

Iko ritu pancajiwi manorang sibawa yattang, Bulu Tabor sibawa Bulu Hérmon gora-gorai untu' alé-Mu.

MAZMUR 98:1

Mazmur. Elongengngi élong baru Puwangnge, nasaba sining pangkaukenna iya mappabengngaé! Nasibawang akuwasang sibawa awatangenna muto purani lolongeng apakalang.

ASSURENG 18:11

Uwissenni makkekkuwangngé makkedaé lebbi battowai Puwangnge naiya sininna déwataé, saba' iya manennaro napogau'i wettunna tau Maséré'é tinda sibawa matempo senna lao ri bangsa Israélié.”

YESAYA 40:10

Itai, poléi Puwang Allataala sibawa akuwasang untu' tinda sibawa barani. Ritinrosiwi risining tau iya puraé Napaleppe.

YESAYA 51:9

Tokkonni oh Puwang, tulukki, passalama'ki sibawa akuwasam-Mu. Tokkonni pada-pada riyolo wettunna Mureppo Rahab sibawa gajangngi iyaro naga tasi'é gangka maté.

YESAYA 52:10

Nappaitangngi akuwasanna Puwangnge ri yolona matanna sininna bangsaé. Nanasabbingngi sininna linoé asalamakeng polé ri Allataalata.

YESAYA 63:12

Kégani Puwang iya ranrengngéngngi Musa sibawa liman-Na iya mawatangngé naporé sibawa puwé'éngngi uwaié ri yolona mennang kuwammengngi nakalabba asen-Na mannennungeng?

YEREMIA 49:15

Puwangnge mébbuko matu malemma sibawa ripakatuna ri tauwé.

DANIEL 4:37

Jaji makkekkuwangngé iyya, Nébukadnézar pojiwi, pakatanréi sibawa pakalebbii Arunna Surugaé. Sininna pangkauken-Na tongengngi sibawa adélé, Nanaulléi pakariyawai tau iya kédo matempoé.

ROMA 1:21

Rupa tauwé naissengngi Allataala, iyakiya rupa tauwé dé' napakalebbii selaku Allataala sibawa dé'to natarima kasi ri Aléna. Sibalé'na mappikkiri'i rupa tauwé iya tessiratangngé; mapettanni atinna mennang.

2 KORINTUS 10:5

sibawa leppoi sining bénténg atempongeng iya napatettongngé untu' méwai pangissengengngé passalenna Allataala. Ritawangngi pikkiranna sining tauwé sibawa mébbui mennang tunru' lao ri Kristus.

ULANGENG 4:34

Engkaga naengka séuwa déwata iya baraniyé malai séddié bangsa polé ri bangsa-bangsa iya engkaé nainappa napancaji mennang umma ri aléna, pada-pada iya napogau'é Puwang Allataalamu untu' iko ri Maséré? Alému mitai pékkugi Allataala sibawa awatangeng iya battowaé papolé abala sibawa musu, pogau'i sining anu makalallaingngé sibawa pogau'i gau'-gau' iya maseroé.

1 PETRUS 5:5

Makkuwatoro Saudara, sining tau maloloé. Tunru'no lao ri sining tau iya macowaé. Harusu manekko pakariyawai alému sibawa sisullé situmaningi sibawa mariyawa ati. Saba' ri laleng Kitta'é tarokii makkuwaé, “Naéwai Allataala tau iya matempoé, iyakiya namaséiwi tau iya pakariyawaéngngi atinna.”

WAHYU 18:8

Nasaba gau'éro, na ri laleng si esso bawang nanakennai matu abala – lasa, atassinnaureng, sibawa akkadéreng. Enrengngé riyangurenngi matu sibawa api, saba' Puwang Allataala iya madélékiyéngngiro makuwasa senna'i.”