LUKAS 1:47 - KITTA KAREBA MADECENG

⁴⁷ sibawa mariyo-riyoi nyawaku nasaba Allataala Pappassalama'ku.

LUKAS 1:47 ပူးပေါင်းရင်းမြစ်များ

MAZMUR 35:9

Naugora-gora nasaba Puwangnge, marennui atikku saba' Napassalama'ka.

HABAKUK 3:18

tuli marennuka matu, saba' Iko Puwang Allataala pappassalama'ku.

ZAKHARIA 9:9

Eh pabbanuwana Sion, arennuno! Eh pabbanuwana Yérusalém, gorano! Itani! Poléi arummu sibawa apakalang! Aléna arung adélé iya tiwié asalamakeng. Iyakiya lettu'i sibawa penno ariyawang ati tonangi kaleddé, sikaju kaleddé lolo.

LUKAS 2:11

Iya essoé ri kota Daud, jajini Arung Pappassalama'mu iyanaritu Kristus, Puwangngé.

1 TIMOTIUS 1:1

Timotius, ana'ku iya tongengngé ri laleng Puwangngé! Iyaé sure'é poléi ri iyya, Paulus, rasulna Kristus Yésus situru paréntana Allataala, Pappassalama'ta sibawa ri laleng paréntana Kristus Yésus, amménasatta. Tennapodo Allataala Ambo'é sibawa Kristus Yésus Puwatta mabbéré barakka, pammasé asaléwangeng lao ri iko.

1 TIMOTIUS 2:3

Iyanaro makessing sibawa sennangiwi atinna Allataala, Pappassalama'ta.

TITUS 1:3

Ri wettu iya teppa'é, napannessai Allataala iyaro jancin-Na ri laleng pasen-Na. Iyaro pasenna purani nappaddettangeng ri iyya, sibawa uwabbirittangngi nasaba paréntana Allataala Pappassalama'ta.

TITUS 2:10

iyaré'ga ménnau. Sitinajai mennang mappaitangngi makkedaé tuli kédo makessingngi sibawa matinulu, kuwammengngi nallalengi sipa'na mennanro, napojiwi tauwé pappagguruwangngé passalenna Allataala, Pappassalama'ta.

TITUS 2:13

Makkekkuwangngé mattengngakki tajengngi Esso iya riyamménasaiyéro; ri Essoéro naitai matu linoé arajanna Yésus Kristus, iyanaritu Allataala Pobbatowaé sibawa Arung Pappassalama'ta.

YUDAS 1:25

Aléna ritu alé-aléna Allataala, Pappassalama'ta naolai Yésus Kristus Puwatta. Aléna ritu Allataala iya malebbié, maraja, makuwasa sibawa riyakkitangi riyolopa nariyolo narapi makkekkuwangngé lettu mannennungeng! Aming.