LUKAS 1:41 - KITTA KAREBA MADECENG

⁴¹ Na wettunna naéngkalinga Elisabét bérésellenna Maria, kédoni iyaro anana' ri laleng parémmananna Elisabét. Narikuwasaina Elisabét ri Rohna Allataala,

LUKAS 1:41 ပူးပေါင်းရင်းမြစ်များ

KAJAJIYANG 25:22

Namattampu'na ana' dénru, na ri wettu dé'napa najaji iyaro ana'-ana'é, magguliccii mennang ri laleng parémmananna. Nakkeda Ribka, “Magi iyaé gau'é naharusu kajajiyang ri aléku?” Nainappa méllau panunju ri Puwangnge.

MAZMUR 22:10

Iko ritu passuka polé ri parémmanangngé, sibawa mébbuka amang ri wakkanna indo'ku.

LUKAS 1:15

Mancajiwi matu tau maraja manuru' pakkitanna Puwangngé, nadé' matu nainung anggoro iyaré'ga énungeng maseri. Mappammulai jajinna rikuwasaiwi matu ri Rohna Allataala.

LUKAS 1:40

Laoni ri bolana Zakharia, na wettunna muttama', nabérésellengini Elisabét.

LUKAS 1:42

nanagora, “Ikona kaminang ribarakkaki ri yelle'na sininna makkunraié! Memmuwaré' ribarakkakiwi iyaro anana' mujajiyangngé matu!

LUKAS 1:44

Uwéngkalingana bérésellemmu, anana' ri laleng parémmanakku kédoi nataro rennu.

LUKAS 1:67

Zakharia, ambo'na iyaro anana'é, rikuwasaini ri Rohna Allataala angkanna napalettu paseng polé ri Puwangngé. Nakkeda,

LUKAS 4:1

Rikuwasaini Yésus ri Rohna Allataala wettunna nasalai Salo Yordan. Ripimpinni ri Rohna Allataala lao ri padang kessi'é.

RIWAYA'NA RASUL-RASUL-E 2:4

Rikuwasai manenni ri Rohna Allataala, sibawa mappammula mabbicara ri laleng maddupa-rupang basa laing. Mabbicarai mennang situru aga nabbéréyangngé iyaro Roh-é lao ri mennang untu' napowada.

RIWAYA'NA RASUL-RASUL-E 4:8

Nappébali Pétrus iya rikuwasaiyénna ri Rohna Allataala, “Bapa'-bapa' pamimping bangsaé sibawa Bapa'-bapa' anggotana mahkamaé!

RIWAYA'NA RASUL-RASUL-E 6:3

Jaji madécéngengngi Saudara-saudara piléi polé ri yelle'mu pitu tau iya mappunnaiyé aseng makessing sibawa rikuwasai ri Rohna Allataala enrengngé mapanré, iya weddingngé risuro murusu'i passalengngéwé;

RIWAYA'NA RASUL-RASUL-E 7:55

Iyakiya Stéfanus iya rikuwasaiyé ri Rohna Allataala, makkitai ri langié. Naitani alebbirenna Allataala sibawa Yésus tettong ri onronna makuwasaé ri seddé ataunna Allataala.

RIWAYA'NA RASUL-RASUL-E 9:17

Nalaona Ananias ri bolaéro sibawa palénne'i limanna ri yasé'na Saulus. Nakkeda Ananias, “Saudara Saulus, Puwang Yésus iya muwitaé ri tengnga laleng wettunna saudara lao kumaiyé, Aléna ritu suroka polé kuwammengngi weddingngi Saudara makkita paimeng sibawa rikuwasai ri Rohna Allataala.”

EFESUS 5:18

Aja' mumabo' ri anggoro'é, saba' iyaro nasolangiko matu. Sibalé'na sitinajako rikuwasai ri Rohna Allataala.

WAHYU 1:10

Ri essona Puwangngé, rikuwasaika ri Rohna Allataala, nauwéngkalingai séuwa sadda iya maloppoé – siccenno oni tarompé'é – mabbicara ri monrikku.