LUKAS 1:30 - KITTA KAREBA MADECENG

³⁰ Nanakkeda iyaro Malaéka'é lao ri Maria, “Aja' mumétau Maria, saba' nasitujuiko atinna Allataala.

LUKAS 1:30 ပူးပေါင်းရင်းမြစ်များ

KAJAJIYANG 6:8

Iyakiya Nuh napésennangiwi atinna Puwangnge.

YESAYA 41:10

Aja' mumétau, saba' Iyya sibawakko, aja' mumanenneng, saba' Iyya Allataalamu. Upakkasse'ko matu sibawa Utulung, Udulung sibawa limak-Ku iya poré.

YESAYA 41:14

Adanna Puwangnge, “Aja' mumétau, Israél, namuni baiccu'ko sibawa malemma. Iyya ritu Puwang iya tulungngékko, Iya Pommapaccingngé, Allataalana Israélié iyanaritu Pappassalama'mu.

YESAYA 44:2

Iyya ritu Puwang iya pancajiyékko, iya tappaékko mappammulai ri parémmanang, sibawa iya tulungngékko. Aja' mumétau, iko ritu atak-Ku, umma ripilé-Ku iya Uwamaséiyé.

MATIUS 14:27

Iyakiya tappa mappébaliwi Yésus, “Tennakko! Iyya Yésus. Aja' mumétau!”

MATIUS 28:5

Nakkeda iyaro malaéka'é lao risining makkunraiéro, “Aja' mumétau! Uwisseng musappai Yésus iya puraé risalliro.

LUKAS 1:13

Iyakiya makkedai iyaro Malaéka'é, “Aja' mumétau Zakharia! Naéngkalingani Allataala sempajammu. Bainému Elisabét jajiyangngi matu séddi ana' worowané. Harusu'ko mpéréngngi aseng Yohanés.

LUKAS 12:32

“Iko iya céddé'mi jumellamu, aja' mumétau! Saba' masennang Ambo'mu mpérékko barakka polé ri Apparéntan-Na.

RIWAYA'NA RASUL-RASUL-E 27:24

Makkedai iyaro malaéka'é, ‘Aja' mumétau, Paulus! Saba' mangoloko matu ri Kaisar. Sibawa nasaba akessingeng atinna Allataala ri iko, sininna tau iya muwéwaé sisompereng salama'i matu nasaba iko.’

ROMA 8:31

Agana wedding ripowada makkekkuwangngé passalenna iya manennaro? Rékko engkai Allataala ri idi, nigana mulléi méwaki?

IBRANI 13:6

Rimakkuwannanaro baraniki makkeda, “Puwangngé iyanaritu Pattulukku, dé' umétau. Aga wedding napogau' tolinoé lao ri iyya?”