LUKAS 1:18 - KITTA KAREBA MADECENG

¹⁸ Nakkutana Zakharia lao ri Malaéka'éro, “Pékkugi uwissengngi makkedaé kajajiyangngi iyaro gau'é? Macowana' na bainéku macowa toni.”

LUKAS 1:18 ပူးပေါင်းရင်းမြစ်များ

KAJAJIYANG 15:8

Iyakiya makkutanai Abram, “Oh Puwang Iya Pommatanré, pékkugi uwulléi missengngi makkedaé iyaro tanaé mancajiwi matu appunnangekku?”

KAJAJIYANG 17:17

Nasuju'na Abraham, iyakiya macawai wettunna mappikkiri, “Pékkugi wedding séddié worowané iya makkéumuru'énna sératu taung lolongeng ana'? Pékkugi wedding Sara mémmana ri umuru aséra pulona taung?”

KAJAJIYANG 18:12

Rimakkuwannanaro macawani Sara ri laleng atinna sibawa makkeda, “Iyya iya macowaénna sibawa makelle makkuwaéwé, pékkugi makkullé macinna mupi sicampuru sibawa lakkaikku? – Nainappani macowa toni lakkaikku.”

2 ARUNG-NGARUNG 7:2

Nappébali ajudang paribadinna arungngé, “Pékkugi wedding! Mustahélé iyaé, namuni iyaro wettué napateppai Puwangnge bosi raja polé ri langié!” Nappébali Elisa, “Muwitai matti iyaro gaué kajajiyang, iyakiya dé' mupéneddingiwi iyaro inanré muwi céddé.”

YESAYA 38:22

Makkutanani Arung Hizkia, “Aga tanranna makkedaé maéloi Puwangnge pajjappaka sibawa weddikka lao ri Bolana Puwang-ngéssi?”

LUKAS 1:34

Nakkeda Maria lao ri Malaéka'éro, “Iyakiya parawang mupa', pékkugi iyaro gau'é wedding kajajiyang?”

LUKAS 1:7

Dé' nappunnai mennang ana' saba' manangngi Elisabét na macowani mennang iya duwa.

ROMA 4:19

Iyaro Abraham wettué dé'na akkullénna mappunnai wijanna, saba' macowa senna'ni sibawa umuru'na nacawékini sératu taung; makkuwatoro Sara, bainénaro, manangngi. Iyakiya teppe'na Abraham dé' nakurang.