LUKAS 1:13 - KITTA KAREBA MADECENG

¹³ Iyakiya makkedai iyaro Malaéka'é, “Aja' mumétau Zakharia! Naéngkalingani Allataala sempajammu. Bainému Elisabét jajiyangngi matu séddi ana' worowané. Harusu'ko mpéréngngi aseng Yohanés.

LUKAS 1:13 ပူးပေါင်းရင်းမြစ်များ

KAJAJIYANG 17:10

Iko sibawa sininna wijammu iya worowané harusu'i risunna.

KAJAJIYANG 17:19

Iyakiya makkedai Allataala, “Dé'. Sara bainému jajiyang matu ana' worowané sibawa muwasengngi matu Ishak. Maélo-Ka matinulu lao ri assijancik-Ku sibawa iyaro ana'é enrengngé wija-wijanna untu' mannennungeng. Iyaro assijancingngé mannennungengngi.

KAJAJIYANG 18:14

Engkaga iya mustahélé'é untu' Puwangnge? Pada-pada puraé Upowada onna, asérapi Ulenna naulisu paimeng kuwaé. Na iyaro wettué jajiyangngi matu Sara ana' worowané.”

KAJAJIYANG 25:21

Nasaba Ribka dé' nalolongeng ana', massempajanni Ishak lao ri Puwangnge untu' bainéna. Na Puwangnge tarimai sempajanna Ishak, angkanna mattampu'ni Ribka.

MAZMUR 113:9

Mabbéréi ana'-ana' lao ri bainé iya manangngé, pancajiwi indo' iya masennangngé sibawa malebbi ri bolana. Pojiwi Puwangnge!

MAZMUR 118:21

Upoji-Ko, saba' Mutarimai sempajakku; puraka Muwéréng apakalang.

YESAYA 8:3

Siyagangngaré wettu ri munrinna mattampu'ni bainéku. Wettunna jaji ana'ta, makkedai Puwangnge lao ri iyya, “Asengngi ‘Arrappangeng iya Mapecci'é, Arrampokeng iya Masitta'é.’

DANIEL 10:12

Nainappa makkeda lao ri iyya, “Daniél, aja' mumétau. Purani naéngkalinga Allataala sempajammu mappammulai esso mammulangngé sipongenna malako apettung untu' pakariyawai alému kuwammengngi mumancaji mapanré. Poléka selaku pappébalinna sempajammu.

HOSEA 1:4

makkedai Puwangnge lao ri iyya, “Asengngi ana'muro Yizreel saba' dé'na namaittana Uhukkungngi matu arunna Israélié nasaba abbunowang iya napogau'é Yéhu, toriyolona, ri Yizreel. Upaccappa'i matu apparéntanna wijanna Yéhu.

HOSEA 1:6

Nainappa iyaro bainéku najajiyang ana'ta iya maduwaé, séddi ana' makkunrai. Makkedai Puwangnge lao ri iyya, “Hoséa, asengngi ana'muro ‘Iya Dé'é Nariyamaséi’, nasaba dé'na Uwamaséiwi matu bangsa Israélié, sibawa dé' sises-sisenna Uwaddampengengngi mennang.

MATIUS 1:21

Najajiyangngi matu Maria séddi ana' worowané. Iyaro ana'é harusu'i muwéréng aseng Yésus, nasaba Napassalama'i matu umma'-Na polé ri dosana mennang.”

MATIUS 14:27

Iyakiya tappa mappébaliwi Yésus, “Tennakko! Iyya Yésus. Aja' mumétau!”

MATIUS 28:5

Nakkeda iyaro malaéka'é lao risining makkunraiéro, “Aja' mumétau! Uwisseng musappai Yésus iya puraé risalliro.

MARKUS 16:6

Nakkeda iyaro kalloloé, “Aja' mumétau! Uwisseng musappai Yésus, tau Nazarét iya puraé risalli. Dé'ni gaga kuwaé. Tuwoni paimeng! Ita bawanni, iyanaé onronna mennang paléwui.

LUKAS 1:14

Masennang senna'ko matu sibawa maéga tau mariyo-riyo rékko jajiwi matu iyaro ana'é!

LUKAS 1:30

Nanakkeda iyaro Malaéka'é lao ri Maria, “Aja' mumétau Maria, saba' nasitujuiko atinna Allataala.

LUKAS 2:21

Genne'nana aruwa essona umuru'na, risunna'ni iyaro Anana'é, sibawa nasengngi Yésus, aseng iya riwéréngngéngngi ri malaéka'é riwettu dé'napa naritampu' ri indo'-Na.

RIWAYA'NA RASUL-RASUL-E 10:31

Makkedai, ‘Kornélius! Natarimani Allataala sempajammu sibawa naéngngeranni asémpoatimmu.

HAKING-HAKING 6:23

Iyakiya makkedai Puwangnge ri aléna, “Tennanno! Aja' mumétau. Dé' mumaté matu.”

1 SAMUEL 2:21

Ribarakkakini Hana ri Allataala, angkanna jajiyassi tellu ana' worowané sibawa duwa ana' makkunrai. Napédé battowa tona Samuél ri laleng natumaninginna Allataala.