LUKAS 1:11 - KITTA KAREBA MADECENG

¹¹ Iyaro wettué, nappaitangngi aléna malaéka'na Puwangngé ri Zakharia. Iyaro malaéka'é tettongngi ri seddé ataunna méjang onrong mattunu kamennyangngé.

LUKAS 1:11 ပူးပေါင်းရင်းမြစ်များ

ANGIMANGENG 16:13

Iyaro dupaé harusu'i ritunu ri yolona Petti Assijancingngé, angkanna rumpunna nasalipuriwi pattongkona Pettiéro, nadé' naulléi Harun mitai, saba' rékko naitai matéi matu.

LUKAS 1:19

Nappébali iyaro Malaéka'é, “Iyya'na Gabriél! Utumaningiwi Allataala sibawa Aléna ritu suroka palettu'i karéba madécéngngé lao ri iko.

LUKAS 1:28

Iyaro malaéka'é laowi ri Maria sibawa makkeda, “Salama'ko, iko iya nabarakkakiyé Puwangngé iya dé'é padanna! Puwangngé sibawakko!”

LUKAS 2:10

Iyakiya makkedai iyaro malaéka'é, “Aja' mumétau! Saba' poléka tiwirekko karéba madécéng – karéba iya pésennangi senna'éngngi sininna tauwé.

LUKAS 2:9

Tappa nappaitanni aléna malaéka'na Puwangngé ri mennang, sibawa alebbirenna Puwangngé mattappa tajangiwi mennang, namétau senna'na mennang.

RIWAYA'NA RASUL-RASUL-E 5:19

Iyakiya wenninnana, engka séddi malaéka'na Puwangngé timpa'i tange'na tarungkué, nainappa natiwi massu rasul-rasul-é. Nakkeda iyaro malaéka'é lao ri rasul-rasul-é,

IBRANI 1:14

Rékko makkuwaitu, aga sitongenna iyaro sining malaéka'é? Mennang iyanaritu roh-roh iya tumaningiyéngngi Allataala, sibawa iya risuroé untu' tulungngi sining tau iya maéloé tarima asalamakeng.

WAHYU 9:13

Nainappa malaéka' iya maennengngé seppungngi tarompé'na. Nauwéngkalingai séuwa sadda polé ri iya eppa sunna mézba ulawengngé iya engkaé ri yolona Allataala.

HAKING-HAKING 13:3

Iyakiya riséuwaé esso nappaitangngi aléna malaéka'na Puwangnge lao ri aléna sibawa makkeda, “Ri wettu labe'é dé' muwulléi mappunnai ana', iyakiya dé'na namaittana namuwattampu matu, sibawa lolongeng séddi ana' worowané.

HAKING-HAKING 13:9

Naéngkalingai Allataala paréllaunna Manoah. Poléni paimeng iyaro malaéka'na Puwangnge wettunna bainéna Manoah tudat-tudang ri dare'é. Iyaro wettué dé'i gaga lakkainna kuwaro.