KOLOSE 4:3 - KITTA KAREBA MADECENG

³ Assempajang tokko untu' idi kuwammengngi nawérékki kasempatang Allataala iya makessingngé untu' mappallebbangengngi biritta passalenna rahasiyana Kristus. Nasaba gau'éro, na uwengka makkekkuwangngé ri laleng tarungkué.

KOLOSE 4:3 ပူးပေါင်းရင်းမြစ်များ

MATIUS 13:11

Nappébali Yésus, “Saba' purani riwéréng pangissengeng untu' missengngi rahasiyana passalenna pékkugi Allataala mapparénta, na mennang dé'.

RIWAYA'NA RASUL-RASUL-E 14:27

Wettunna lettu ri Antiokhia, napaddeppungenni mennang sining tau polé ri jema'éro, nainappa nacurita manenni iya puraé napogau' Allataala naolai mennang. Nacurita toni mennang passalenna pékkugi Allataala pura timpa'i lalengngé kuwammengngi sining tau bangsa laingngé iya tenniyaé Yahudi mateppe'i lao ri Yésus.

ROMA 16:25

Ripojiwi Allataala! Makuwasai péwatangiwi atepperenna Saudara situru Karéba Madécéng polé ri Allataala iya uwabbirittangngé passalenna Yésus Kristus. Uwabbirittangngi iyaro karébaé situru sibawa aga iya napannessaé Allataala; iyanaritu rancanana Allataala iya maddatu-datu taungngénna ittana dé' naissengngi tauwé.

1 KORINTUS 16:9

Maéga wettukku kuwaé untu' jama-jamang iya makkégunaé, namuni maégato tau méwai.

1 KORINTUS 4:1

Angga'ni idi pattumani-pattumaninna Kristus, iya tanggung jawakiyéngngi mabbirittangngi sining rancanana Allataala iya dé'éppa naissengngi linoé.

2 KORINTUS 2:12

Wettukku lettu ri Troas sibawa akkatta untu' mabbirittangngi Karéba Madécéngngé passalenna Kristus, purani natimpakekka laleng Puwangngé untu' majjama ri onrongngéro.

EFESUS 3:1

Iyanaro saba'na iyya, Paulus, massempajangekko. Ritarungkuka nasaba Kristus Yésus, untu' apentingemmu iya tenniyaé Yahudi.

EFESUS 3:3

Nabukkai Allataala rahasiyana rancana-Na nanapowadakka. (Passalenna iyaé purani uwokii riyolo sibawa marippe,

EFESUS 3:4

narékko mubacai, muwajeppuiwi matu rahasiyaé passalenna Kristus pada-pada iya uwajeppuiyé.)

EFESUS 3:9

sibawa makkuwatoro kuwammengngi naolaka nanaissengngi sininna tauwé pékkugi Allataala, Pabbinruna sininna alangngé, pogau'i rancana-Na iya mappammulaé riyolopa nariyolo narirahasiyakang lao ri linoé.

EFESUS 4:1

Iyanaro saba'na iyya – séddiwi tahanang, iya ritahangngé nasaba tumaningiwi Puwangngé – méllauwi sibawa masero ri iko: tuwono situru tudangemmu selaku tau iya puraé riyobbi ri Allataala.

FILIPI 1:19

saba' uwissengngi makkedaé nasibawang sining sempajammu enrengngé nasibawang polé ri Rohna Yésus Kristus, ripaleppe'ka matu.

FILIPI 1:7

Mémeng ri onronna mappunnaika pappénedding pada-padaéro lao ri iko saba' iya maneng Saudara tuli macawé'i ri atikku. Makkuwatoro nasaba maccowéko tarima silaong iyya, pammasé iya nawéréngngékka Allataala, muwi makkekkuwangngéwé ri laleng tarungkué iyaré'ga wettukku engka ri saliweng untu' méwaiwi sibawa mattahangengngi Karéba Madécéngngéro.

KOLOSE 1:26

iyanaritu biritta iya maddatu-datué taung labe'é rirahasiyakang ri Allataala lao ri sininna tauwé, iyakiya makkekkuwangngé ripannessai lao ri umma'-Na.

KOLOSE 4:18

Sellekku polé ri iyya, Paulus. Aléku mokii iyaé bagiyangngé. Aja' muwallupaiwi makkedaé engka mupa' ri laleng tarungkué! Tennapodo Puwangngé barakkakiko. Salama, Paulus sibawa Timotius

1 TESALONIKA 5:25

Assempajangekki Saudara-saudara!

2 TIMOTIUS 1:16

Iyakiya kaluwargana Onésiforus wékkasiyagangngaré'ni napérennui atikku. Tennapodo naéloriwi Puwangngé mappaitangngi paressé babuwana lao ri mennang. Namuni ri lalekka tarungkué. Dé' namasiri Onésiforus ri keadaakkuro.

2 TIMOTIUS 2:9

Nasaba nabbirittangngi Karéba Madécéngngéro, naumanrasa-rasa; mala narapi rirantéka pada-pada séddié tomaja. Iyakiya ada-adanna Allataala dé' nariyullé rantéi.

2 TIMOTIUS 4:2

Sitinajako mabbirittangngi karéba polé ri Allataalaro, sibawa matteru maddessa kuwammengngi naéngkalingai tauwé, maélogi mennang iyaré'ga dé'. Sitinajako patepperiwi tauwé, mappaitangngi iya salaé, sibawa mpéréngngi dorongang mennang. Paggurui tauwé sibawa sabbara.

FILEMON 1:22

Ri lalennaro, tulungngi passadiyangekka kamara' ri bolamu, saba' mamménasaka Allataala tarimai sempajanna maneng Saudara sibawa tiwika lisu ri iko.