KOLOSE 3:7 - KITTA KAREBA MADECENG

⁷ Riyolo muturusi towi iyaro sining pangélorengngé, wettummu rikuwasai ri aléna.

KOLOSE 3:7 ပူးပေါင်းရင်းမြစ်များ

ROMA 7:5

Saba' riyolo tuwoki manuru' sipa-sipa tolinoé. Iyaro wettué sining cinnata iya madosaé, iya mompoé nasaba engkana hukkunna agamaé, mappattentu ri laleng aléta. Iyanaro saba'na naripogau' gau'-gau' iya nassabariyé amaténg.

1 KORINTUS 6:11

Siyagangngaré ri yelle'mu riyolo kédo-kédo makkuwaro. Iyakiya makkekkuwangngé ripannessano mapaccing polé ri dosaé. Mancajino appunnangenna Allataala iya ripallaingngé. Simadécéngenno paimeng sibawa Allataala, nasaba mateppe'ko lao ri Puwang Yésus Kristus sibawa nasaba akuwasanna Roh polé ri Allataala.

EFESUS 2:2

Iyaro wettué muwaccowériwi sining abiyasanna linoéwé; bettuwanna matinuluko lao ri panguwasana langi marajaé iyanaritu roh iya makuwasaiyéngngi makkekkuwangngé atinna sining tau iya dé'é namatinulu lao ri Allataala.

KOLOSE 2:13

Riyolo, matéko secara rohani nasaba madosako, sibawa nasaba dé' narisunna'ko secara mallahéreng. Iyakiya makkekkuwangngé Allataala patuwoko silaong Kristus. Purani naddampengeng Allataala sininna dosata,

TITUS 3:3

Saba' riyolo idi paimeng madonggoto, pusa sibawa temmatinulu. Ripowataki rimaddupa-rupang napessué sibawa cinna'é, tuwoki sibawa niya'-niya' majaé sibawa mangémpuru, enrengngé sisullé sibenci.