KOLOSE 3:3 - KITTA KAREBA MADECENG

³ Saba matéko, na atuwommu tassubbui silaong Kristus ri laleng Allataala.

KOLOSE 3:3 ပူးပေါင်းရင်းမြစ်များ

MATIUS 11:25

Iyaro wettué massempajanni Yésus, “Ambo', Puwang iya makuwasaiyéngngi langié sibawa linoé! Mattarima kasi'-Ka lao ri Iko saba' iya manennaro Murahasiyakangngi polé risining tau maccaé sibawa engkaé pangissengenna, iyakiya Muwappaitangngi lao risining tau dé'é namacca.

YOHANES 14:19

Dé'na namaitta nadé' naita-Ka matu linoé. Iyakiya iko muwita-Ka. Sibawa nasaba tuwo-Ka, tuwo tokko matu.

YOHANES 3:16

Nasaba makkumani Allataala namaseinna rupa tauwé ri linoéwé, angkanna Nabbéréyangngi Ana' Tungke'na, kuwammengngi na tungke' tau iya matepperiyéngngi dé' nabinasa sangadinna lolongengngi atuwong tongengngé sibawa mannennungengngé.

YOHANES 4:14

Iyakiya tau iya ménungngéngngi uwai maéloé Uwabbéréyang, dé'na namadekkana lettu mannennungeng. Saba' uwai maéloé Uwabbéréyang mancajiwi matu mata uwai ri laleng aléna iya jompié massu sibawa mabbéré atuwong mannennungeng.”

YOHANES 5:21

Iyaro Ambo'é napaoto'i tau maté, sibawa nawéréngngi mennang atuwong tongengngé sibawa mannennungengngé; makkuwatoro Ana'é Nabbéréyangngi atuwong mannennungengngé lao ri tau iya maéloé nawéréng atuwong.

YOHANES 5:24

Tongeng senna' ada-adak-Kué: Tau iya pénessaiyéngngi ada-adak-Kué, sibawa mateppe' lao ri iya suroék-Ka, mappunnangiwi atuwong mannennungengngé. Dé' matu narihukkung: leppe'ni polé ri amaténgngé nalolongengngi atuwongngé.

YOHANES 5:40

Iyakiya dé' mumaélo lao ri Iyya untu' lolongengngi atuwong mannennungengngé.

ROMA 5:10

Rékko ri wettutta simusu sibawa Allataala; ripasidaméki sibawa Aléna naolai amaténna Ana'-Na, lebbi-lebbipi makkekkuwangngé simadécéngenna paimeng assisumpungetta sibawa Allataala, tentu ripassalama' tokki matu naolai atuwonna Kristus.

ROMA 5:21

Na, harusu'ki maté nasaba pogau'ki dosa, iyakiya Allataala mamaséiki sibawa mabbéréi laleng lao ri idi untu' simadécéngeng paimeng sibawa Aléna. Nasaba assisumpungetta sibawa Allataala madécéngi paimeng, nabbéréyang towi atuwong mannennungengngé lao ri idi naolai Yésus Kristus, Puwatta.

ROMA 6:11

Harusu' tokko mangga'i alému maté nasaba dosa, iyakiya tuwo ri laleng assisumpungeng iya mare'é sibawa Allataala naolai Yésus Kristus.

ROMA 6:2

Tentu dé'! Dé'na nakuwasaiki dosaé, jaji, pékkugi weddikki matteru-teru tuwo sibawa pogau' dosa?

ROMA 8:2

Saba' hukkunna Rohna Allataala iya mébbuékki tuwo masséddi sibawa Kristus Yésus pura paleppe'ka polé ri hukkung iya nassabariyé dosaé sibawa amaténgngé.

1 KORINTUS 15:45

Ri laleng Kitta'é engka taroki makkuwaé, “Rupa tau mammulangngé, iyanaritu Adam, mancajiwi mahlu' iya tuwoé,” iyakiya Adam iya poddimonrié iyanaritu Roh iya mabbéré atuwong.

1 KORINTUS 2:14

Tau iya dé'é nappunnai Rohna Allataala, dé' naulléi tarimai aga iya napannessaé iyaro Roh-é. Saba' lao ri iyaro tauwé iyaro gau'-gau'é pada-padai séddi adonggong bawang. Iyaro tauwé dé' naulléi pahangngi, saba' iyaro gau'-gau'é banna weddingngi riyangke' secara baténg.

2 KORINTUS 5:14

Pammaséna Kristus ritu makuwasaiki; narimaingekiwi makkedaé rékko séddié tau matéi untu' sininna tauwé, na bettuwanna iyaro makkedaé maté manenni sininna tauwé.

2 KORINTUS 5:7

Saba' tuwoki nallalalengi teppe'é lao ri Kristus, natenniya nallalengi aga iya riyullé mita,

GALATIA 2:20

Makkekkuwangngé tenniyana iyya tuwo, iyakiya Kristus iya tuwoé ri laleng aléku. Atuwongngéwé iya uwattemmekiyé makkekkuwangngé iyanaritu tuwo ri laleng teppe' lao ri Ana'na Allataala iya mamaséiyékka sibawa iya puraé makkarobangngi Aléna untu' iyya.

EFESUS 3:9

sibawa makkuwatoro kuwammengngi naolaka nanaissengngi sininna tauwé pékkugi Allataala, Pabbinruna sininna alangngé, pogau'i rancana-Na iya mappammulaé riyolopa nariyolo narirahasiyakang lao ri linoé.

FILIPI 4:7

Na asaléwangeng polé ri Allataala iya dé'é nakkullé napahang tolinoé, jagaiwi matu atimmu sibawa pikkirammu iya masséddiénna sibawa Kristus Yésus.

KOLOSE 1:5

Mateppe'ko sibawa mamaséko, saba' mamménasako ri aga iya napassadiyaé Allataala ri surugaé untu' iko. Purani muwéngkalinga passalenna gau'éro, wettunna Karéba Madécéng tongengngé iya polé ri Allataala ripalettu lao ri iko.

KOLOSE 2:20

Purani matéko silaong Kristus, sibawa purani ripaleppe polé ri roh-roh iya makuwasaiyéngngi alangngé. Nah, magi namutuwo pada-pada tau iya rikuwasaiyé mupa ri linoéwé? Magi saudara natunru lao ri peraturang-peraturang pada-padaéwé,

KOLOSE 2:3

Kristus ritu timpa'i sininna apanrénna enrengngé pangissengenna Allataala iya tassubbué riyolo.

KOLOSE 3:4

Nah, assalenna atuwommu iya tongengngé iyanaritu Kristus sibawa rékko paitai matti malluru tokko matu silaong aléna ri laleng arajan-Na!

IBRANI 7:25

Rimakkuwannanaro lettu mannennungeng naulléi Yésus passalama'i sining tau iya laowé ri Allataala naolai Aléna, saba' tuwoi mannennungeng untu' méllauwi ri Allataala untu' sining tauwéro.

1 PETRUS 3:4

Sibalé'na, sitinajai agelloremmu mompoi polé ri laleng baténgngé, ampé-ampé iya malemma kininnawaé sibawa tennangngé; iyanaritu agelloreng mannennungengngé iya mangke' senna'é situru pakkitanna Allataala.

1 PETRUS 4:2

Rimakkuwannanaro, sitinajako tuwo matteru ri linoéwé situru élona Allataala, na tenniya manuru' élona rupa tauwé.

1 YOHANES 3:2

Saudara-saudara iya upojiyé! Idi makkekkuwangngé iyanaritu Ana'-ana'na Allataala, iyakiya keadaatta matti dé'pa namanessa. Iyakiya riissengngi makkedaé rékko poléi Kristus, mancajiki matu pada-pada Aléna, saba' taitai matu ri laleng keadaan-Na iya sitongennaé.

WAHYU 2:17

Nigi-nigi mulléi maréngkalinga, sitinajai napénessai aga iya napowadaé Rohna Allataala lao ri jema'-jema'é! Mennang iya pakalaé, Upalaloi matu manréi manna iya tassubbué, sibawa tungke'-tungke' tarimai matu polé ri Iyya séddi batu puté. Ri batuéro tarokii séddi aseng iya barué, iya dé'é naissengngi muwi niga, ri lainnaé tau iya tarimaéngngi.”