KOLOSE 3:2 - KITTA KAREBA MADECENG

² Pattujui pikkirammu ri gau'-gau'é kuwaro, aja' na ri gau'-gau' iya engkaé ri linoé.

KOLOSE 3:2 ပူးပေါင်းရင်းမြစ်များ

1 TAWARIKH 22:19

Jaji sitinajako mattumani ri Puwang Allataalamu sibawa sukku tubu nyawamu. Pammulaini patettongngi bolana Puwangnge, kuwammengngi Petti Assijancin-Na sibawa sininna paréwa laing iya bannaé ripaké untu' assompangngé weddingngi ritaro kuwaro.”

1 TAWARIKH 29:3

Mala nasaba upojinna Bolana Puwang Allataalakuro pura tona mabbéré péra' sibawa ulaweng polé ri waramparang appunnangekku:

MAZMUR 62:10

Tolinoé banna siseppung nappase, baiccu battowa pada-padai dé' angke'na. Rékko ritimbangngi, annessana mennang maringengngi, lebbi ringengngi naiya siseppungngé nappase.

MAZMUR 91:14

Adanna Puwangnge, “Tau iya pojiyékko Upassalama'i matu, iya mangakuiyék-Ka Ulinrungiwi matu.

AMSAL 23:5

Saba', ri laleng sikédé bawang weddingngi lennye waramparammu, samanna makképannii sibawa luttu ri bitaraé pada-pada kuwajangngé.

PAKKATOBBA 7:14

Jaji, akkérennuno rékko mattengngakko maupe. Iyakiya rékko nakennako abala, aja' muwallupaiwi makkedaé Allataala mabbéréyang duwai. Dé' taissengngi aga kajajiyang puranaro.

MATIUS 16:23

Nagilinna Yésus nakkeda lao ri Pétrus, “Esu'ko, Paggoda! Mulawa-lawai-Ka. Iyaro pikkirammu, pikkirang tolino; tenniya pikkirang Allataala!”

MATIUS 6:19

“Aja' mupaddeppungengngi alému waramparang ri linoé, ri onrong iya weddingngé nasolangi karat sibawa taisseng enrengngé panga polé ménnauwi.

LUKAS 12:15

Nainappa lao ri sininna tauwé iya engkaé kuwaro makkedai Yésus, “Atutuko sibawa atike'ko, aja' namumangowa. Saba' atuwonna rupa tauwé dé' nataggattung polé ri asugirenna, namuni tabbollompollongngi waramparanna.”

LUKAS 16:11

Jaji rékko passalenna asugirenna linoé dé'na naweddikko riyatepperi, niga maélo paddettangiko asugireng baténgngé?

FILIPI 1:23

Rigettekka polé ri duwa bagiyang. Macinna senna'ka salaiwi linoéwé untu' lao monro silaong Kristus, saba' iyanaro kaminang makessing;

KOLOSE 3:1

Purano ripatuwo paimeng silaong Kristus. Rimakkuwannanaro harusu'ko makkuraga untu' lolongengngi gau'-gau' iya engkaé ri surugaé, kégi Kristus tudang ri seddé ataunna Allataala.

KOLOSE 3:5

Rimakkuwannanaro, pammaténi sining cinna linoé iya madduppéluriyéngngi alému, padaénna mappangaddi, gau'-gau' iya dé'é nasipato, hawa napessu, pangéloreng iya majaé, sibawa angowangngé (nasaba angowangngé sinrupai massompaé barahala).